Manawach lón ekkeei ránin lesópwólóón a mmen áweires, me epwe fen weiresiló atun sia fetál ngeni sópwólóón ei ótót. Fán ekkóch, neman sipwe osupwangen ekkóch mettóch. (Ap 3:16-18) Met epwe alúkúlúkúkich pwe sia tongeni likiitú fán ekkena weires? Mi lamot sipwe sópweló le lúkúlúk wóón ach we Kot Jiowa. A pwonei pwe epwe túmúnú néún kewe chón angang, me a tufichin awora met sia osupwangan ese lifilifil nónnómuch.​—Kf 37:18, 19; Ip 13:5, 6.

Minne ka tongeni féri:

• Tingormaú ngeni Jiowa an epwe awora ngonuk emmwen, tipachem, me álillis.​—Kf 62:8

• Kopwe tipemecheres le etiwa ekkewe esin angang kesaamwo eáni fán eú.​—g-E 1/10 8-9, ekkewe pwóór

• Sópweló óm akkangang ngeni Kot, áwewe chék ren óm ákkálleani an we Kapas iteiten rán, fiffiti ekkewe mwich me ewe angangen afalafal

KATOL EI VIDEO BUILD A HOUSE THAT WILL ENDURE—BE “CONTENT WITH THE PRESENT THINGS,” MWIRIN PÉLÚWENI EKKEEI KAPAS EIS:

• Ikkefa ekkewe weires ekkóch famili ra kúna?

• Ifa ewe mettóch mi kon lamot seni meinisin lón manawach?

• Ifa usun sipwe tongeni álisi chókkewe mi osupwang lón pekin aion?