Eú alen án ekkewe sam me in repwe álisi néúr kewe le eáni ewe tipáchem seni Kot, ina ar álisiir le kúna feiéch seni ach kewe mwiich. Minne ekkewe kúkkún ra kúna, rong, me minne ra apasa atun ra memmeef lón mwiich a tongeni álisiir le káé ussun Jiowa me wiliiti chiechian. (Tut 31:​12, 13) Iká en emén sam are in, ifa ussun ka tongeni álisi noum le unusen feiéch seni ekkewe mwiich?

• Achocho le fiti mwiich lón féúféún aramas.—Kf 22:22

• Awora fansoun le chiechifengen lón ewe Leenien Mwiich mwen poputáán me sárin ewe mwiich.—Ip 10:25

• Ppiiéchú pwe emén me emén lón ewe famili a wor pwisin néún kapiin ewe puk sia káé lón mwiich, ese lifilifil iká lón mechá are lón taropwe

• Álisi noum le ammólnatá an memmeef lón pwisin an fós. —Mat 21:​15, 16

• Fóséch ussun ekkewe mwiich me ewe káit ka angei seni

• Álisi noum kewe le fiti ekkewe angang áwewe chék ren ewe angangen elimelim lón ewe Leenien Mwiich, me chiechi ngeni chókkewe mi mwukóló lón ewe mwichefel

A lamot angang weires óm kopwe ákkálisi noum kewe le akkarap ngeni Jiowa, me eli kopwe meefi pwe fán ekkóch ese wor óm péchékkúl le féri ena. Iwe nge, ka tongeni lúkúlúk wóón án Jiowa álillis.—Ais 40:29.

KATOL EI VIDEO AS PARENTS, RELY ON JEHOVAH AND HIS STRENGTH, MWIRIN PÉLÚWENI EKKEEI KAPAS EIS:

• Met a fis pokiten Zack me Leah ra kon pekkus?

  Pélúwan me reom

• Pwata a lamot ngeni sam me in ar repwe kul ngeni Jiowa fán iten péchékkúl?

  Pélúwan me reom

• Ifa ussun Zack me Leah ra lúkúlúk wóón Jiowa pwe repwe tongeni sópwéch?

  Pélúwan me reom