MANAWEN CHÓN KRAIST
Lúkúlúk Wóón Jiowa Atun Emén A Pwúnúchéú Ngonuk
Ekkewe chón pwúnúchéú ra tongeni efeiengawakich me eletipengawakich. Ra pwal mwo nge tongeni apwangapwangaaló ach riri ngeni Jiowa iká sia niwokkusitiir atun ra ú ngeni ach fel ngeni. Ifa ussun kopwe túmúnuk seni emén chón pwúnúchéú?
Chómmóng ra lúkúlúk wóón Jiowa, iwe a álisiir ar repwe pworacho ngeni chón pwúnúchéú. (Kf 18:17) Áwewe chék, Ester a fósetá ren an pwáári met Haman ewe mi pwúnúchéú me kirikiringaw a eáni kókkót. (Est 7:1-6) Me mwen an féri ena, a pwáári an lúkúlúk wóón Jiowa ren an echikefel. (Est 4:14-16) Jiowa a efeiéchú met a féri me a túmúnú i me néún kewe aramas.
Ámi kúkkún me sáráfé, iká emén a pwúnúchéú ngenikemi, tingor án Jiowa álillis me fós ngeni emén mi ásimaw, ussun chék ren sememi kewe me inemi ussun ámi na osukosuk. Oua tongeni lúkúlúk pwe Jiowa epwe álisikemi ussun chék an álisi Ester. Pwal met oua tongeni féri pwe oupwe likiitú ngeni chón pwúnúchéú ngenikemi?
KATOL EI VIDEO MY TEEN LIFE—HOW CAN I COPE WITH BULLYING? MWIRIN PÉLÚWENI EKKEEI KAPAS EIS:
-
Met ekkewe kúkkún me sáráfé ra tongeni káé seni án Charlie me Ferin leenien áppirú?
-
Met sam me in ra tongeni káé seni alon Charlie me Ferin ren ifa ussun semer kewe me iner ra álisiir?
