MANAWEN CHÓN KRAIST
Ekkewe Chón Mas Ra Angang Weires le Álisi Néún Jiowa Kewe Aramas
Chómmóng aramas rese lúkúlúk wóón chókkewe mi wor wiser. Sia weweiti pwata. Popun pwe chómmóng aramas ra áeá ar nemenem lón ewe napanap ese pwúng me fán iten chék pwisin feiéchúr. (Mik 7:3) A ifa me feiéchúch ren án ekkewe mwán mi ásimaw káit pwe repwe áeá ar nemenem fán iten feiéchún néún Jiowa kewe aramas.—Est 10:3; Mat 20:25, 26.
Ekkewe mwán mi ásimaw ra sókkóló seni chókkewe a wor ar nemenem wóón ei fénúfan. Ra féri ar angang ussun chónemmwen pokiten ra tongei Jiowa me néún kewe aramas. (Jo 21:16; 1Pe 5:1-3) Fán án Jises nemenem, ekkena chón mas ra álisi emén me emén ekkewe chón afalafal le meefi pwe iir chón án Jiowa we famili me álisiir le arap ngeni. Ra mwittir le awora álillis lón pekin ngún ngeni néún Jiowa kewe siip atun a fis weiweitáán semmwen are atun feiengaw watte. Iká ka need álillis, mi chék fókkun suuk ngonuk óm kopwe fós ngeni emén me lein ekkewe mwán mi ásimaw lón óm we mwichefel.—Jas 5:14.
KATOL EI VIDEO SHEPHERDS WHO CARE FOR THE FLOCK, MWIRIN PÉLÚWENI EKKEEI KAPAS EIS:
-
Ifa ussun Mariana a kúna álillis seni ekkewe mwán mi ásimaw?
-
Ifa ussun Elias a kúna álillis seni ekkewe mwán mi ásimaw?
-
Mwirin óm katol ei video met ka meefi ussun ewe angang ekkewe mwán mi ásimaw ra féri?
