Minen alúkúlúk: Me ren eú puk, ewe kapasen Krik mi afféú ngeni ewe kapas “allükülükün,” mi mak lón 2 Korint 1:22, ina eú “kapas mi tichik aramas ra néúnéú lón pekin allúk me sopai.” Ena kapas a wewe ngeni och moni emén a deposit are eáni púng akkomw pwe “kinikinin liwinin och mettóch epwe wisen alúkúlúkú lón pekin allúk pwe a wor an pwúúng wóón, are epwe wisen apwúngaló eú etipeeú.” Ekkewe mi kepit repwe angei unusen liwiniir, are ar feiéch, lupwen ra inisini ewe esin inisin ngún esap tongeni kitetteriló, ewe esin a mak lón 2 Korint 5:1-5. A pwal kapachelong lón ena feiéch ar eáni ewe esin manaw esap chúen tongeni máló.​—1 Kor. 15:48-54.

Lón ei fansoun, a pwal wor eú kapasen Krik mi riri ngeni ena nge aramas ra néúnéú fán iten ringen pwon. Ena mettóch a pwal tongeni weneiti chókkewe repwe wiliti pwúlúwen Kraist lón kapas áwewe.​—2 Kor. 11:2; Pwär. 21:2, 9.

Pwaau: Lón fansoun lóóm, aramas ra áeá pwaau fán iten ar minen sain mi ánnetatá ika án ié och mettóch, are enletin pwúngún och mettóch, are án emén tipeeú ngeni och mettóch. Lón kapas áwewe, ekkewe mi kepit ra ‘pwau,’ are mecheniló, ren án Kot we manaman mi fel pwe iir ra néún. (Ef. 1:13, 14) Án ekkena mi kepit na pwaau esap nómófóch, nge repwe angei ar we pwaau fóchófóch lón eú fansoun me mwen ar máló fán tuppwél are lón eú atun me mwen poputáán ewe riáfféú mi lapalap.​—Ef. 4:30; Pwär. 7:2-4.