Ka tongeni pélúweni ekkeei kapas eis mi lóngólóng wóón Ewe Leenien Mas minen 2019?

Met weween án Kot ei pwon: “Esap wor och pisekin maun epwe tongeni afeiengauok”? (Ais. 54:17)

Sia lúkú pwe Kot epwe túmúnúkich seni ekkewe mettóch mi efeiengaw usun chék “än ekewe aramas mi mwänewüs angangen afeiengau.” (Ais. 25:4, 5) Chón koputach kewe resap fókkun tongeni sópwéch le efisi ngenikich feiengaw fóchófóch.​—w19.01, p. 6-7.

Met Kot a pwári usun an pwúngiéch seni minne a féri ngeni ekkewe chón Kanaan me ekkewe chón Israel mi rikiló?

Kot a apwúngú chókkewe mi féri féfférún lisowu mi limengaw are chókkewe mi kirikiringaw ngeni ekkewe fefin me semirit. A efeiéchú chókkewe mi álleasochisi i me ra féfféréch ngeni ekkewe ekkóch fán pwúng.​—w19.02, p. 22-23.

Met sipwe féri ika sia nóm atun emén chón lúkún a iótek?

Sia tongeni chék mosonoson me pwári súfél. Sisap fitiir le apasa “amen,” are kamwéchúpéú atun ewe iótek. Sipwe filatá le pwisin iótek lón letipach.​—w19.03, p. 31.

Itá ifa úkúkún choun kirikiringaw ngeni semirit?

Kirikiringaw ngeni semirit ina eú tipis ngeni ewe mi fis ngeni kirikiringaw, eú tipis ngeni ewe mwichefel, ngeni ewe mwú, me ngeni Kot. Ekkewe mwán mi ásimaw repwe álleasochisi allúkún mwú usun repotun eú otuttur ren fissin eú féfférún kirikiringaw ngeni semirit.​—w19.05, p. 9-10.

Ifa usun sipwe tongeni siwili are émúrinnéló ekiekich me letipach?

A lamot ach sipwe: Fós ngeni Jiowa lón iótek. Ekilon me etittina pwisinkich. Filiéch chiechiach mi múrinné.​—w19.06, p. 11.

Met sia tongeni féri iei le ammólnakichetá fán iten riáfféúmwáál?

A lamot ach sipwe apéchékkúla ach riri ngeni Jiowa. Lúkú pwe a tongekich me esap fókkun likitikicheló. Állea Paipel iteiten rán me ikkiótek. Lúkúlúk pwe feiéch seni án Kot we Mwú repwe pwénútá. Amwéchúlúkú ekkewe wokisin me ekkewe kélún mwareiti Jiowa sia kon sani.​—w19.07, p. 2-4.

Met sia tongeni féri pwe aramasach kewe are futukach kewe repwe tongeni manaw?

A mmen lamot ach sipwe achocho le weweiti meefier, isetiw leenien áppirú mi múrinné, mosonottam, me úppós nge kapas pwetete.​—w19.08, p. 15-17.

Ifa usun sia kúna aséséén letipach usun met Jesus a pwonei lón Mateus 11:28?

A wor ekkewe Chón Kraist mwán mi ásimaw mi pwári tong, chiechiach kewe mi múrinné, me ewe angang mi múrinné seni meinisin.​—w19.09, p. 23.

Ifa usun Kot a tongeni ngenikich ewe mochen le apwénúetá met a mochen? (Fil. 2:13)

Atun sia álleani án Kot we Kapas me ekilonei, Kot a tongeni apéchékkúlakich, me álisikich le mochen apwénúetá met sia ekiekin féri. An we ngún mi fel a tongeni elipwákéchúkich.​—w19.10, p. 21.

Ikkefa ekkewe mettóch a lamot sipwe akkomw féri mwen sipwe féri eú kefil mi watte?

Iei ekkewe nimu mettóch: Achocho le research wóón. Iótek fán iten tipachem. Etittina ewe popun ka féri ewe kefil. Kopwe tichik. Eáni ekiek mi pwúng me itepék me rúúepek.​—w19.11, p. 27-29.

Itá ewe lúkú usun ngúnún aramas ese tongeni máló a pop seni met Satan a ereni Efa?

Aapw. Satan a ereni Efa pwe esap máló, nge ese ereni pwe inisin chék epwe máló. Meinisin lúkú mi chofona ra muchúló atun ewe Noter. Lúkú usun ngúnún aramas esap tongeni máló a poputá mwen Kot a atoropasafeili ekkewe aramas mi aúetá ewe imw tekia lón Papel.​—w19.12, p. 15.