Eú rán emén fefin Chón Kraist lón New Zealand a katol ewe video “Have . . . Concern for One Another,” ewe a pwóróus ussun án Jiowa ese chék meefi an tongei aramas nge a pwal pwáári. (Ais. 63:​7-9) Iwe a filaatá an epwe apwénúetá minne a káé me kútta ié epwe tongeni álisi. Ekiseló mwirin atun a ló shopping, a chuuri emén homeless fefin me a ereni pwe a mochen an epwe kamé anan. Ena fefin a tipeeú ngeni. Atun ewe fefin Chón Kraist a liwiniti fán anan we, a ekis afalafal ngeni ren an néúnéú ewe tract Itá Riáfféú Epwe Úkúló?

Ewe fefin a poputá le kechiw. A áweweei pwe i a fen piin mámmááritá ussun emén Chón Pwáraatá Jiowa nge a likitaaló ewe enlet fite ier a ló. Nge kukkuto chék a fen ikkiótek ngeni Jiowa an epwe álisi i le liwiniti. Ewe fefin Chón Kraist a ngeni eú néún Paipel me a akkóta ar repwe káé. a

Sia tongeni áppirú án Jiowa tongei aramas, kapachelong aramasach kewe me pwiich kewe. Me sia tongeni pwáári ach tong ren ach kútta alen ach sipwe afalafal ngeni aramas.