EWE LEENIEN MAS—FÁN ITEN EWE MWICHEFEL February 2018
Ei puk a masou ren ekkewe lesenin káé minen April 2-29, 2018.
Áppirú án Noa, Taniel, me Hiop Lúkú me Álleasochis
Ekkena mwán mi tuppwél ra kúna ekkewe esin weires sia kúna lón ach ei fansoun. Met a álisiir le akkamwéchú ar tuppwél?
Ka Silei Jiowa Usun án Noa, Taniel, me Hiop Silei I?
Ifa usun ekkena mwán ra silei ewe mi lapalap seni meinisin? Ifa usun ena sile a efeiéchúúr? Ifa usun sipwe tongeni ámááraatá ewe esin lúkú ra eáni?
Met Weween án Emén Epwe Ririéch Ngeni Kot?
Ewe Paipel a áweweei napanapen “emén mi ririéch ngeni Kot” me ifa usun a sókkoseni “emén mi eáni án aramas ekiek.”
Feffeitá lón Ach Ririéch Ngeni Kot!
Án emén silei pwóróusen Paipel ese wewe ngeni pwe i emén mi ririéch ngeni Kot. Met a pwal lamot?
Pwapwa—Ewe Napanap Sia Angei Seni Kot
Ika ka kúna pwe sóssótun rán me rán ra kan angei sonuk óm pwapwa, iwe met kopwe tongeni féri pwe kopwe pwapwasefál?
Kapas Eis Seni Chón Állea
Lón fansoun Israel lóóm, ren án emén epwe semelapen ewe Messaia, itá mi lamot an epwe emén mwánichi?
