Sise chék fel ngeni Jiowa atun ach mwichfengen lón ach kewe mwiich me mwichelap, nge sia pwal tongeni fel ngeni wóón pwisin ach me ren chón ach famili. Ikkeei ekkóch mettóch ka tongeni féri lón óm pwisin káé me famili fel:

• Ammólnatá fán iten ekkewe mwiich. Ka pwal tongeni praktis ekkewe kél me álisi meinisin chón óm we famili le ammólnatá ar memmeef.

• Álleani eú pwóróus lón ewe Paipel. Mwirin, chúngaani liosun met ewe mi fiffis lón ena pwóróus are makkeetiw met ka káé seni.

• Álleani eú iótek lón ewe Paipel, me ekieki ifa ussun a tongeni álisuk le émúrinnéló óm iótek.

• Katol eché video seni jw.org me mwirin pwóróusfengen wóón me ekkewe ekkóch are makkeetiw met ka káé seni.

• Ammólnatá fán iten ewe angangen afalafal, me praktis minne kopwe apasa me féri.

• Kakkatol férien Jiowa kewe me ekiloneer are pwóróusfengen wóón met a áiti ngonuk ussun Jiowa. a