Lape ngenikich, eli a weires ach sipwe chechchemeni met sia kan káé. Iwe nge, a mecheres ach sipwe chemeni ekkewe chómmóng mettóch Jises a eáni asukul pokiten lape ngeni a kan áeá kapas áwewe. Ka tongeni kachitoni met Jises a apasa, me ena epwe álisuk le chemeni met a eáni asukul. Pwal ina ussun atun ka káé, epwe chómmóng met kopwe chemeni iká kopwe kachitoni met ewe ka álleani. Ifa ussun ka tongeni féri ena? Ka tongeni féri ren óm chúngaani liosun met ekkewe ka káé.

Lape ngeni chókkewe mi chúngaani liosun ekkewe mineféén mettóch ra káé ussun, ra chemeniéchúr. Ar féri ena, a álisiir le weweéchúti esap chék ekkewe kapas, nge pwal ekkewe pwóróus mi aúchea lón met ra káé. Ar kana chúnga ese mesemesekkis, nge a chék mecheres. Chúnga a ákkáeúin álilliséch ngeni ekkewe chinnap, pún a tongeni álisiir le chemeni met ra káé.

Iká ka pwal káé lón en, eli ka tongeni chúngaani ekkóch liosun met ka káé. Neman kopwe máirú ren úkúúkún met kopwe chemeni seni!