Ka Chechchemeni?
Ka fen álleaniéchú ekkewe Leenien Mas mi katowu lón ekkewe maram? Iwe, ppii ika ka tongeni pélúweni ekkeei kapas eis:
Pwata Jiowa a tipeeú ngeni án ewe mwúún Israel lóóm epwe fiti maun?
Jiowa, i emén Kot mi tong. Nge, fán ekkóch, lupwen ekkewe ekkóch mwú ra eriáfféwú ekkewe chón Israel me féfféringaw ngeniir, iwe Kot a allúk ngeniir ar repwe maun. Kot chék a wisen apwúngaló ika ié kewe repwe fiti maun me ineet repwe maun.—w15 11/1, p. 3-4.
Met ekkewe sam me in ra tongeni féri pwe repwe áiti néúr teenage le angang ngeni Jiowa?
A lamot ekkewe sam me in repwe tongei néúr kewe teenage me isetiw leenien áppirú ren ar tipetekison. A pwal lamot pwe repwe pwáraatá mirit me achocho le weweiti néúr kewe.—w15 11/1, p. 14-16.
Met mi lamot sipwe akkomw ekieki me mwen ach sipwe fós?
Ren ach sipwe áeáéchú ach tufichin fós, mi lamot sipwe lóóm ekieki (1) ineet sipwe fós (SalAf. 3:7), (2) met sipwe apasa (SalF. 12:18), me (3) ifa usun sipwe fós (SalF. 25:15).—w15 12/1, p. 19-22.
Mi wor ngawen ekkewe eérenien Krismas?
A ffat pwe ngawen ekkewe eérenien Krismas, pún ra feito seni lamalam chofona. Ina minne, Krismas a ésúfélúngawa Kot me néún we Jesus Kraist. Nge mi kon watte ngawan? Krismas a fókkun pwór, “sisap tongeni awenecharela,” usun chék popun efóch irá mi pwór sise pwal tongeni áwena. (SalAf. 1:15)—w15 12/1, p. 31.
Itá epwe ifa féfférúch ngeni emén mi mwéngé ewe pilawa me ún ewe wain lón ewe Áchechchem?
Ekkewe Chón Kraist rese átekiatáái chókkana. Emén mi wesewesen kepit esap pwal mochen án aramas repwe átekiatáái i are mochen apwóróusa ngeni ekkóch pwe i emén mi kepit. (Mat. 23:8-12)—w16.01, p. 23-24.
Ifa usun Apraham a wiliti chiechien Kot, me met sia tongeni káé seni?
Apraham a káé usun Kot, neman seni Säm. A pwal silefichi Kot ren an kúna féfférún ngeni i me an we famili. Sia pwal tongeni áppirú Apraham.—w16.02, p. 9-10.
Satan mi wesewesen panaló Jesus ngeni ewe imwenfel ren an epwe sótuni i?
Sise wesewesen silei. Minne Mateus 4:5 me Lukas 4:9 ra apasa a tongeni wewe ngeni pwe Satan a ékúna ngeni Jesus ekkewe mettóch me lón eú lángipwi, are Jesus a útá lón eú leeni mi tekia lón kiánin ewe imwenfel.—w16.03, p. 30-31.
Ifa usun ach angangen afalafal a tongeni usun amurenipwin?
Amurenipwin a fis ekis me ekis, mi ekinamwe, me a lamot fán iten manaw. Amurenipwin ina eú feiéch seni Kot. (Tut. 33:13) Meinisin ewe angang néún Kot kewe aramas ra féri lón ewe angangen afalafal a pwal usun amurenipwin.—w16.04, p. 4.