Ifa ussun kopwe kúna álilliséchún óm pwisin káéén Paipel? Ikkeei ekkóch mettóch repwe ámecheresi óm nefótófót wóón óm káé.

• Fili eú leeni mi kinamwe. Iká mi tufich, kútta eú leeni mi torotoréch me saram. Neman ka tongeni mwoot ren eú cheepel are fili eú leeni lúkún mi kinamwe.

• Kútta eú leeni ikewe ese wor aramas ie. Jises a iótek “lesossorusich” ikewe “ese wor aramas ie.” (Mark 1:35) Iká a weires óm kopwe kútta eú leeni óm kopwe áláeménúló, ka tongeni ereni chón óm famili are chón imwom we kulókun óm káé me tingorer ar resap aosukosukok lón ena atun.

• Nefótófót wóón óm káé. Iká ka kan néúnéú noum phone iká tablet le káé, neman ka tongeni ttiki airplane mode are pwal och mettóch pwe esap osukosukok. Me iká ka chemeni och mettóch mi lamot kopwe féri, makkeei eú minen áchchem ngonuk pwe kopwap féri mwirin. Iká a weires óm kopwe nefótófót, ka tongeni ekis kaúló me útá fetál are áwenechú.