Kapasen Lepoputáán
A fókkun watteeló koput wóón ei fénúfan. Aramas ra eáni féfférún koput lón chómmóng mettóch. Áwewe chék, eli ra eimwumwu ngeni ekkewe ekkóch, eáni kapas mi péchékkúl ngeniir, are pwal mwo nge awater. Itá a tongeni wesiló angangen koput? Ekkeei lesen lón ei puk, repwe áiti ngenikich ifa usun ewe Paipel a tongeni álisikich le okkufu féfférún koput. Repwe pwal affata án Kot we pwon an epwe unusen aúkatiw féfférún koput tori feilfeiló.