Met Ewe Paipel A Apasa?
Paipel a tongeni álisuk le likiitú fán óm aúrek?
Met kopwe apasa?
Ewer
Aapw
Neman
Paipel a apasa
“Oupwe iseta won i [Kot] mettoch meinisin, minne oua aurek ren, pun a fen tongeikemi.” (1 Petrus 5:7, Testament Mi Fö) Ewe Paipel a awora kapasen alúkúlúk pwe Kot a tongeni álisuk le ngaseló seni óm kewe aúrek.
Met sia pwal tongeni káé seni Paipel?
Ren óm iótek, “än Kot kinamwe” a tongeni nóm reom me akúkkúnaló óm aúrek.—Filipi 4:6, 7.
Pwal eú, óm álleani Kapasen Kot a tongeni álisuk le likiitú fán weires.—Mateus 11:28-30.
Ekkewe aúrek repwe móróló?
Ekkóch aramas ra lúkú . . . pwe aúrek me weires ikkena pwúkúpwúkún kinikinin manawach, nge ekkóch ra lúkú pwe aramas ra tongeni ngaseló seni aúrek ika ra manaw mwirin ar máló. Nge en, met óm ekiek?
Paipel a apasa
Kot epwe amóeló ekkewe popun sia aúrek. “Esap chüen wor mäla ika letipeta ika kechü ika cheuch, pun ekewe mettochun lom ra morola.”—Pwärätä 21:4.
Met sia pwal tongeni káé seni Paipel?
Fán nemenien Mwúún Kot, aramas repwe manaw fán kinamwe me esap wor och osukosuk.—Aisea 32:18.
Aúrek me weires resap chúen nóm.—Aisea 65:17.
