Ifa ewe Ápilúkúlúk fán Iten Ekkewe mi Máló?
Máló a tori aramas meinisin. Nge itá máló ina sópwólóón mettóch meinisin? Ekkewe mi máló repwe chék máffócholó? Mei wor ápilúkúlúk fán iten ekkewe mi máló?
EKIEKI MET EWE PAIPEL A APASA:
EKKEWE MI MÁLÓ RESAP MÁFFÓCHÓLÓ
“Ekewe sotup meinisin repwe . . . towu seni peiaser.”—Johannes 5:28, 29.
Kot a chechchemeni ekkewe mi máló, me chókkewe a chechchemeniir repwe manawsefál.
EPWE FIS MANAWSEFÁL WÓÓN FÉNÚFAN
“Aramas meinisin, ekewe chon pwüng me ekewe aramas mi ngau, repwe manausefäl seni mäla.”—Föför 24:15.
Fite billion aramas repwe manawsefál me repwe tongeni manaw tori feilfeiló fán ewe sókkun kinamwe ese wor lekaúkún.
SIA TONGENI LÚKÚLÚKÚ EWE ÁPILÚKÚLÚKÚN MANAWSEFÁL
“[Kot] a apwüngala iteiten ekewe fü o aita eföü me eföü ngeni itan.”—Kölfel 147:4.
Kot a tufichin chechchemeni iten eféú me eféú ekkewe fúú, iwe a ifa me mecheresin an epwe pwal chechchemeni chókkewe epwe amanawasefáliir.
