EMÖN nengnginin Brazil, tiu ierin, a pwisin ineti nöün moni a fen iseis lon ruu kinikin, 18 chala me 25 chala. A walong 18 chala lon ewe pworun asor lon Kingdom Hall fän iten älillisin ewe mwichefel. Nge a tinalo ewe 25 chala ngeni ewe keangen ofesilapen Chon Pwäratä Jiowa fiti echö taropwe. A makkeei: “Ua mochen eäni ei asor seni watteen ai tong ngeni Jiowa pwe epwe älisatä än pwiich kewe angangen afalafal woon unusen fönüfan.”

Seman kewe me inan ra fen äiti lamoten an epwe pwisin föri wisan fän iten ewe angangen afalafala ewe Mwu. Ra pwal äiti ngeni aüchean an epwe ‘asamolu ewe Samol mi Lapalap ren an fang ngeni seni woun.’ (SalF. 3:9) Amwo sipwe pwal tinikken usun chök ena kükkün nengngin le älisatä ewe angangen afalafal lon pwisin leeniach me woon unusen fönüfan!