PAUL a mak ngeni ekkewe Chon Kraist orun 30 som ier mwirin mäloon Jises we, a apasa: “Oupwe tümwünükemi.” Met a öüröürer usun? “Pwe esap wor eman epwe liapenikemi ren atuputupun tipachemen fanüfan mi aücheangau, a popu seni sokopaten uruwon lom aramas ra aiti ngeni aramas.”​—Kolose 2:8.

Inaamwo ika Paul a fen öüröürer, nge mwirin ipükü ier, ekkoch Chon Kraist ra poputä le eäni ekiekin sou sileen loom pwe repwe äweweei pwisin ar lükü. Pwata? Pun ra mochen ekkewe aramas mi sukul tekia lon Rom repwe etiwer me choni ar pekin lamalam.

Justin Martyr, emön me lein ekkena Chon Kraist mi iteföülo, a lükü pwe ewe Chon Aweni Awen Kot a fen pwä ngeni ekkewe sou tipatchemen Kris langattam fansoun me mwen än Jises feitiw fönüfan. Justin me chienan kewe sou ääk ra ekieki pwe ar nofiti ekiekin sou tipatchemen fönüfan me uruwoon loom ngeni ewe lamalamen Kraist a efisi eü sokkun lamalam mi aüchea ngeni aramas meinisin.

Ewe pekin lamalam Justin Martyr a efisatä a lukeato chommong aramas. Iwe nge, an apachaalong eü afalafal mi mwääl a efisatä pwal ekkoch ekiek mwääl, iwe iei, aramas ra ekieki pwe ekkena afalafal mi mwääl, iir lüküen Chon Kraist. Ren an epwe pwälo mwäällin ekkena afalafal, sipwe apöpöfengeni met ekkoch puk ra apasa me met ewe Paipel a wesewesen äiti ngenikich.

[Credit Line]

Devil: Barrators—Giampolo/​The Doré Illustrations For Dante’s Divine Comedy/​Dover Publications Inc.; angels: Art Resource, NY; trinity relief: Museo Bardini, Florence