Lón September 5, 2012 lesossorun Aúlúngát, a apio ngeni ekkewe familien Bethel lón Merika me Canada pwe a wor emén minefé chón ewe Mwichen Soupwúngúpwúng án Chón Pwáraatá Jiowa. Poputá seni September 1, 2012, Mark Sanderson a chóni ewe Mwichen Soupwúngúpwúng.

Semen me inen pwiich we Sanderson iir Chón Kraist ra túmúnú i me lón ewe sóópw San Diego, California lón Merika. A papatais lón February 9, 1975. Lón September 1, 1983 a poputá le pioneer lón Saskatchewan, Canada. Lón December 1990 a sochungio seni ewe efisuen sukulen Ministerial Training School mi fis lón Merika (iei a iteni Sukulen Paipel fán Iten Ekkewe Mwán mi Lipich). Lón April 1991 pwiich we Sanderson a filitá an epwe fiti ewe angangen special pioneer lón ewe fénú Newfoundland, Canada. A filitá an epwe tongeni wii ekkewe chónemmwen mi wisen sáifetál, nge mwirin och fansoun lón February 1997, a ketiw an epwe wiliti chón ewe familien Bethel lón Canada. Lón November 2000, a ketiw an epwe mwékút ngeni Bethel lón Merika, nge a angang lón ewe Hospital Information Services (Pekin Pwóróus fán Iten Pioing) nge mwirin a angang lón ewe Service Department (Pekin Túmúnú Angangen Afalafal).

Lón ewe September 2008, pwiich we Sanderson a fiti ewe Sukul fán Iten Ekkewe Chón Túmúnú Keangen Ofesilap, me mwirin a kefilitá an epwe fiti ewe Kúmiin Chón Túmúnú Keangen Ofesilap lón Philippines. Lón September 2010, a ketiw an epwe liwiniti Merika me wisen álillis ngeni ewe Kúmiin Chón Túmúnú Angangen Afalafal án ewe Mwichen Soupwúngúpwúng.