PWÓRÓUS LÚKÚNPÉÉN | IÉ KEWE CHÓN PWÁRAATÁ JIOWA?
Pwata Aua Afalafal?
Eú mettóch aua fókkun silleló ren ina ám angangen afalafal mi chéúfetál ren ám afalafal imw me imw, afalafal ikewe mi chómmóng aramas ra soun nóm ie me afalafal ngeni aramas ese lifilifil ia chék ra nóm ie. Pwata aua féri ena?
Ám Chón Pwáraatá Jiowa aua afalafal pwe aupwe mwareiti Kot me pwáraatá itan. (Ipru 13:15, Testament Mi Fö) Aua pwal mochen álleasochisi án Kraist Jesus keei allúk: “Oupwe feila o asoulängala chon ekewe mwü meinisin, . . . afalafaleer pwe repwe aleasochisi meinisin mine üa allük ngenikemi.”—Mateus 28:19, 20.
Pwal eú, ám aua tongei chón orúm. (Mateus 22:39) Ewer, aua silei pwe lap ngeni aramas a wor pwisin ar lúkú lón ar kewe lamalam me esap meinisin repwe sani ám afalafal. Iwe nge, aua meefi pwe áitien Paipel kewe ra amanawa aramas. Ina popun iteiten rán aua “sopwela le afalafal . . . o aiti ngeni aramas ewe Pworausen Manau pwe Jesus ewe Kraist” usun chék ekkewe Chón Kraist lemanawen ekkewe aposel.—Föför 5:41, 42.
Emén soukáé itan Antonio Cova Maduro a makkeei “ewe úkúkún angang me achocho Chón Pwáraatá Jiowa ra pwári tori ar repwe fókkun mélúlú . . . , fán iten ewe kapasen Kot epwe tikeri ekkewe leeni mi fókkun towau wóón ei fénúfan.”—El Universal simpúng, Venezuela
Lap ngeni chón állea néúm puk esap iir Chón Pwáraatá Jiowa. Me fite million ra káé Paipel rem ra fiti ekkewe ekkóch lamalam. Nge ra kilisou pwe Chón Pwáraatá Jiowa ra chuuriir.
Ewer, ese mwáál a pwal wor ekkóch óm kapas eis usun Chón Pwáraatá Jiowa. Aua etiwok le kútta pélúwer ren óm
-
Eisini emén Chón Pwáraatá Jiowa.
-
Ló ngeni ám website, www.pr418.com.
-
Fiti ám kewe mwich nge rese kamé me a suuk ngeni aramas ese lifilifil.
