KAPAS EIS 2
Ifa Usun Kopwe Káé Usun Kot?
“Kosap ükütiu le apworausa masouen ei puken allük, kopwe ekieki usun lerän me lepwin, pwe kopwe tümwünüöchü om kopwe apwönüetä meinisin mine a mak lon. Mürin kopwe feiöch o fefeitä lon meinisin mine kopwe föri.”
Josua 1:8
“Ra aleaniöchü ewe puken allük än Kot, ra aföüü o aweweni, pwe ekewe aramas ra tongeni weweiti.”
Nehemia 8:8
“Mi pwapwa ewe mwán mi esap fetál fán éúréúraen aramasangaw . . . nge a fókkun pwapwaiti án Jiowa allúk, o a méngúngú le álleani lerán me lepwin. . . . Meinisin minne a féri epwe fisiéch.”
Kölfel 1:1-3, NW
“Filip a sä ngeni o a rong pwe ewe nöüwis a aleani seni puken ewe soufos Aisea. Iwe, a aisini, ‘Ka weweiti mine ka aleani?’ Ewe nöüwis a pölüeni, ‘Epwe ifa usun ai üpwe tongeni weweiti nge esap wor eman a awewe ngeniei?’”
“Esap wor eman aramas a tongeni küna Kot. Nge aramas ra tongeni silei usun Kot ren ekewe mettoch i a föri. Pun seni ewe fansoun Kot a föri fanüfan ra fokun tongeni weweiti pwe an manaman a nom tori feilfeilachök, pwe i wesewesen Kot.”
“Kopwe awewe ngeniei usun ai üpwe fetal fän om kewe öüröür, nge ngang üpwe ekinlonei om kewe föför mi amwarar.”
Kölfel 119:27
“Ousipwe ekiekifengeni usun ach sipwe tongeni alollolätai chienach ren ach eäni chen me föför mürina. Sisap likiti ach eti ach mwichfengen.”
“Nge are eman leimi a osun tipachem, epwe tüngor ngeni Kot, iwe, i epwe fang ngeni, pun Kot a fangafangöch ngeni aramas meinisin, nge esap laleiti eman.”