KAPAS EIS 10
Met ewe Paipel A Pwonei Usun Mwachkkan?
“Ekewe chon pwüng repwe fanüeni ewe fanü o nonom won tori feilfeilachök.”
Kölfel 37:29
“Fanüfan a chök nonomfochofoch.”
Än Salomon Afalafal 1:4
“Kot ewe Samol mi Lapalap [Jiowa] epwe aükätiu mäla, pwe esap chüen wor tori feilfeilachök. Epwe talü chönün mas seni won mesen aramas meinisin.”
Aisea 25:8
“Mesen chon mesechun repwe nela, nge selingen chon selingepüng repwe sukula, chon pechemä repwe mwetemwet usun eman chia, nge ekewe chon awemwöch repwe köl fän mweireir. Pun lenien koluk repwe mökküla lon fanüpwas, nge chanpupu repwe pupu lon fanüapö.”
Aisea 35:5, 6
“Epwe talüpwasei chönün mas seni won meser meinisin. Esap chüen wor mäla ika letipeta ika kechü ika cheuch, pun ekewe mettochun lom ra morola.”
“Repwe aüetä imwer o nonom lon, repwe pwal fotuki irän wain o ochei uan. Esap fis pwe repwe aüetä imwer, nge eman lükür epwe nom lon. Esap pwal fis pwe repwe fotuki irä, nge eman lükür epwe mongö seni. Pun ierin manauen nei aramas epwe usun chök ierin manauen efoch irä, nge nei chon fil repwe pwapwaiti feiöchün angangen pöür fansoun langatam.”
Aisea 65:21, 22