“En Petlehem Efrata, . . . ewe mi towu senuk epwe samolun Israel.”

Mika 5:2

“Jesus a uputiu lon Petleem lon ewe fanü Jutea lon mwün ewe king Herotes.”

Mateus 2:1

“Ra üttüt won üfei kewe o ineti lefiler.”

Kölfel 22:18

“Ra kapasfengen lefiler, ‘Ousisap kamwei ei üf, nge ousipwe üttüt won, pwe epwe fat iö epwe angei.’ Ei a fis pwe epwe pwönüetä mine a mak lon ekewe Toropwe mi Pin: ‘Ra ineti üfei kewe lefiler o üttüt won üfei we mi tam.’ Iei usun mine ekewe sounfiu ra föri.”

Johannes 19:24

“A fokun tümwünü ewe chon pwüng, pwe esap mwo nge kup efoch chün.”

Kölfel 34:20

“Lupwen ar feiliti Jesus, ra küna pwe a fen mäla, iei mine resap chüen kupi pechen.”

Johannes 19:33

“Repwe nenengeni ätewe ra posu.”

Sekaraia 12:10

“Eman ekewe sounfiu a angei wokun siles o posu ngeni lepekin Jesus. Iwe, lon chök ewe otun cha me koluk ra puwu seni.”

Johannes 19:34

“Ra ngeniei ükükün ilik föün moni silifer pwe liwini.”

Sekaraia 11:12, 13

“Mürin eman me lein ekewe engol me ruoman chon kaiö, itan Jutas Iskariot, a feila ren ekewe souasor mi lap o aisiniir, ‘Met oupwe ngeniei are üpwe afangamä Jesus ngenikemi?’ Iwe, ra ngeni ilik föün moni silifer.”

Mateus 26:14, 15; 27:5