KAPAS EIS 7
Met ewe Paipel A Oesini Usun Ach Ei Fansoun?
“Fanü me fanü repwe fiufengen o mwü me mwü repwe maunfengen . . . Ekei riaföü meinisin ra usun chök ekewe metek eman fefin a eäni me mwen an epwe nöünöüla.”
“Chomong soufos chofona repwe feito o atupala chomong aramas. Pokiten a wattela föföringau, epwe patapatala ewe chen lefilen aramas.”
“Lupwen oupwe rongorong akürangen maun me pworausen maun, ousap niuokus. Ekei mettoch repwe fokun fis, nge esap tori mwo fansoun sopolan.”
“Epwe wor watten chechen fanü, pwal lengita me mätter ekis meinisin. Epwe pwal wor asisil mi watte o eniweniw seni fän läng.”
“Lon ekewe ränin lesopolan epwe wor fansoun weires. Aramas repwe ekieki chök püsin ir, repwe efich moni, repwe tunomong me lamalamtekia, repwe turunufas o aleasolap ngeni semer me iner, resap sile kilisou, resap meniniti lamalam, resap eäni tong, resap amusala tipisin aramas, ra luapas, resap tongeni püsin nemeni inisir, ra lingeringerikai, ra oput mine a mürina, ra rawangauei aramas, ra rochongau o uren lamalamtekia, ra efich pwapwan fanüfan, nge resap echeni Kot. Repwe pomweni pomwen souläng, nge manamanan ra pöütala.”