Mut ngeni ewe pwóróus epwe achchúngú letipom. Atun óm ammólnatá óm afalafal, ekiekifichi lamoten ewe pwóróus kopwe atoura. Achocho le sileéchú pwe kopwe tongeni eáni seni lón letipom.

Ekieki ekkewe chón aúseling. Ekilonei ifa usun ewe pwóróus kopwe álleanawu are asukula epwe álilliséch ngeni ekkewe ekkóch. Ekieki ifa usun kopwe eáni óm afalafal lón ewe napanap epwe alapaaló ar aúcheani ewe pwóróus.

Afalafal fán mwasangasang. Kopwe féri ena lón óm kapas, pwal lón pwomwen inisum me wówóón wóón mesom pwe epwe pwáraawu meefiom.