Ekieki ewe popun ka álleani ewe wokisin. Mwen óm álleani ewe wokisin, álisi chón aúseling le silei menni pwóróus mi lamot ka mochen menlapei lón ewe wokisin.

Ámmeef ngeniir pwe Paipel ina kapasen Kot. Lupwen kopwe fós ngeni aramas mi lúkú Kot, menlapei pwe Paipel ina án Kot Kapas. Óm féri ena epwe pwári pwe Paipel ina ewe popun tipachem mi múrinné seni meinisin.

Álisiir le pwapwaiti ewe wokisin. Eáni kapas eis epwe pélú me lón ewe wokisin, eppiietá eú osukosuk ewe wokisin a tongeni álillis ren kataween, are eppiietá eú kapasen emmwen ewe pwóróus lón Paipel epwe álisiir le weweiti.