“Ka föri mettoch meinisin.”​—Pwärätä 4:11

Met ewe Paipel a tongeni áiti ngenikich usun Kot?

• Pwärätä 15:3

  I ewe mi Unusen Manaman. A péchékkúl seni meinisin lón unuselapen láng me fénúfan.

• Kölfel 90:2

  Ese wor poputáán manawan.

• Mateus 6:9

  Kot Semach.

  A mochen pwe manawach epwe fókkun múrinné.

• Föför 17:27

  Kot a mochen arap ngenikich.

“Jiowa . . . itei tori feilfeiló chék.”​—Ekistos 3:15, NW

Pwata mi lamot iten Kot we?

• Kölfel 83:18, NW

  Kot a erenikich pwe Jiowa, ina itan we. Nge iten Kot we a kamwóóló seni ekkóch afféún Paipel. (Ppii ewe kapasen lepoputáán lón ewe Paipel are Testamentin Lom me Testament Söfö) “Kot” me “Samol” esap it, pwe itelap chék, usun chék ren “king” me “preseten.” Jiowa a mochen kopwe néúnéú itan we.

• Ekistos 3:14, NW

  Itan na a wewe ngeni “A Efisi An Epwe Wiliti.” Pokiten Jiowa a fératá mettóch meinisin, iwe a tongeni apwénúetá meinisin an kewe pwon me minne a tipeni.

“Kot mi tong.”​—1 Johannes 4:8, Testament Mi Fö

Pwata sia kúna feiéch seni án Kot tong?

• Ekistos 34:6; Kölfel 37:28

  I mi úméúméch me kirekiréch. A efich minne a pwúng me enlet.

• Kölfel 86:5

  A kan omusaaló tipisich.

• 2 Petrus 3:9

  A mosonottam ngenikich.

• 2 Samuel 22:26

  A alúkúlúk, are tuppwél ngenikich.

“Oupwe likiti ngeni Kot ämi öürek meinisin, pun i a ekieki met oupwe feiöch ren.”​—1 Petrus 5:7

Pwata ka silei pwe Kot a wesewesen chúnguk?

• Kölfel 37:9-11

  A pwon an epwe aúkatiw riáfféú me amóeló pwúnúngawen án aramas féffér mi ngaw.

• James 4:8

  Jiowa a mochen óm kopwe arap ngeni.

• Johannes 17:3

  Lapólóón óm káé usun Kot, epwe pwal ina lapólóón óm tongei.