“Oupwe mwareiti ewe Samol mi Lapalap, ämi nöün chon läng kana, ämi mi pwora.”​—Kölfel 103:20

Met sia silei usun ekkewe chónláng?

• Hiop 38:4-7

  Jiowa a fératá ekkewe chónláng mwen an fératá ei fénúfan.

• Pwärätä 5:11

  A wor chómmóng, chómmóng chónláng.

• 1 Petrus 1:12

  Ekkewe chónláng ra mwétéresiti ifa usun Jiowa epwe apwénúetá minne a tipeni fán iten fénúfan.

• Lukas 15:10

  Ekkewe chónláng ra chúngú chókkewe mi angang ngeni Kot.

“Nöün ewe Samol mi Lapalap chon läng a nom pwelin ünükün chokewe mi niueiti i o angaseer seni feiengau.”​—Kölfel 34:7

Ifa usun sia silei pwe ekkewe chónláng ra tongeni álisi aramas?

• Keneses 19:15, 16; Taniel 6:22; Lukas 22:43; Föför 12:6-11

  Ekkewe chónláng ra álisi Lot, Taniel, Jesus, me Petrus.

• Ipru 1:7, 14

  Jiowa a néúnéú néún kewe chónláng ar repwe álisi me túmúnú néún kewe chón angang ikenái.

“Esap wor än Satan nemenem woch, pun sia silei an ekiek.”​—2 Korint 2:11

Ié ekkewe timon, nge pwata ra fókkun efeiengaw?

• Pwärätä 12:9

  Emén chónláng a ú ngeni Jiowa. A iteni Satan.

• Keneses 6:2

  Lón fansoun Noa we, ekkóch chónláng ra ú ngeni Kot me ra feitiw fénúfan.

• Mateus 9:34, Testament Mi Fö; Pwärätä 12:9

  Ekkena chónláng ra fiti Satan lón an ú ngeni Kot me ra wiliti timon.

• Tuteronomi 18:10, 11

  Ekkewe timon are chónláng mi ngaw ra achocho le otupu me efeiengawa aramas lón ese lifilifil met ra tongeni.

“Oupwe ü ngeni Tefil, iwe, epwe sü senikemi.”​—James 4:7

Ifa usun kopwe tongeni angei án Jiowa álillis le ú ngeni Satan me ekkewe timon?

• Föför 19:19

  Péútaaló meinisin pisek mi weneiti angangen roong, mettóch mi itá ámmeef ngeni aramas pwe magic, timon, angangen pwee me metakkan ese wor efeiengawan are mi ámmeseik.

• Efisos 6:16, 18

  Apéchékkúla óm lúkú ren óm kákkáé ewe Paipel, me iótek fán iten án Kot túmún.

• Än Salomon Fos 18:10

  Néúnéú iten Jiowa.