“Ese fokun tufich ngeni Kot pwe epwe föri föför mi ngau, ese fokun tufich ngeni Ewe mi Unusen Manaman pwe epwe föri mine a mwäl.”​—Hiop 34:10

Pwata a fiffis chómmóng riáfféú wóón fénúfan?

• 1 Johannes 5:19

  Satan ewe Tefil, i ewe sounemenemen ei fénúfan.

• Än Salomon Afalafal 8:9

  Ekkewe aramas ra efisi án ekkewe ekkóch repwe riáfféú.

• James 4:14, 15

  Fán ekkóch aramas ra riáfféú pokiten ra serengaw.

• 1 Petrus 5:7

  Jiowa a fókkun tongei aramas. A oput ar repwe riáfféú.

“Kot a silei pwe . . . mesemi epwe nela. Iwe, oupwe wewe ngeni Kot o silei mine a öch pwal mine a ngau.”​—Keneses 3:5

Pwata Jiowa ese tunaló án Satan ú ngeni?

• Keneses 3:2-5

  Satan a tipi ngeni Kot pwe i emén sounemenem mi ngaw. Satan a mochen pwe aramas repwe lúkú pwe mi wor ar pwúúng le pwisin filatá minne mi pwúng me mwáál.

• Hiop 38:7

  Satan a ú ngeni Jiowa mwen mesen chómmóng chómmóng chónláng.

“Aramas resap . . . tongeni akota mine repwe föri.”​—Jeremaia 10:23

Pwata aramas ra riáfféú lón langattam fansoun?

• Aisea 55:9

  Aramas ra fen nóm fán nemenien sókkopaten mwú nge ekkena mwú rese tongeni sópwéch pún rese etiwa án Kot emmwen.

• 2 Petrus 3:9, 10

  Jiowa a mosonottam me mut ngeni ekkóch fansoun ach sipwe sissileeló i me filatá pwe néúch Sounemenem.

• 1 Johannes 3:8

  Jiowa epwe néúnéú Jesus le ataieló án Satan kewe angang meinisin.

“Nei, kopwe tipachem . . . pwe üpwe tongeni pälüeni ätewe mi aitengauaei.”​—Än Salomon Fos 27:11

Pwata Jiowa ese aumwesikich ach sipwe angang ngeni?

• Tuteronomi 30:19

  Jiowa a ngenikich ach tufichin filatá. Sia tongeni pwisin filatá ika sipwe angang ngeni are sisap.

• Mateus 22:37, 38

  Jiowa a mochen ach sipwe angang ngeni pokiten sia tongei.