“Repwe aleasochisiei, mürin ngang üpwe ar Kot, nge ir repwe nei aramas.”​—Jeremaia 7:23

Mi tufich án emén epwe wiliti chiechien Kot?

• Keneses 22:18; James 2:23

  Apraham a wiliti emén chiechien Jiowa pokiten a aúseling ngeni me lúkúlúk wóón.

• 2 Kronika 16:9

  Jiowa epwe álisi chókkewe mi álleasochisi.

• Kölfel 25:14; 32:8

  Jiowa a awora mirit ngeni chiechian kewe.

• Kölfel 55:22

  Jiowa a kan álisi chiechian kewe.

“Lon ekei feiengau meinisin mi tori Hiop, i esap tipis, esap pwal etipisi Kot ren an amwäli mine a föri.”​—Hiop 1:22

Ifa usun Satan a eriáfféwú Hiop, me met a féri?

• Hiop 1:10, 11

  Satan a erá pwe Hiop a chék ekieki pwisin i nge ese tongei Kot.

• Hiop 1:12-19; 2:7

  Jiowa a mut ngeni Satan an epwe angei meinisin minne a nóm ren Hiop, me Satan a pwal esemweni Hiop ren eú samau mi chou.

• Hiop 27:5, 6

  Hiop ese silei pwata a kúna watteen riáfféú, nge a chúen tuppwél.

“Eman aramas epwe fangala meinisin mine a eäni fän iten manauan.”​—Hiop 2:4

Ifa usun Satan a sótuni le atai ach riri ngeni Jiowa?

• 2 Korint 11:14

  Satan a otupukich ach sipwe álleasolapa Jiowa.

• Än Salomon Fos 24:10

  A ámmeef ngenikich pwe sise tufichin angang ngeni Jiowa.

• 1 Petrus 5:8

  Satan a kan eriáfféwúmwáálikich.

• Än Salomon Fos 27:11

  Filatá óm kopwe álleasochisi Jiowa me kopwe emén chiechian mi tuppwél. Óm féri ena epwe ánnetatá pwe mi chofona alon Satan.

“Wewen ach echeni Kot pwe sia aleasochisi an kewe allük.”​—1 Johannes 5:3

Ifa usun kopwe wiliti emén chiechien Jiowa?

• Tuteronomi 6:​5

  Pwári óm tong ngeni Kot. Óm féri ena epwe álisuk óm kopwe álleasochisi.

• Aisea 48:17, 18

  Álleasochisi Jiowa. Kopwe feiéch iteiten fansoun óm álleasochis.

• Tuteronomi 30:11-14

  Lúkúlúk pwe Jiowa esap fókkun allúk ngonuk met ese kii reom.

• 2 Korint 4:7

  Féri met mi pwúng, iwe Jiowa epwe fang ngonuk óm péchékkúl.