“En ewe lepopun manau meinisin.”​—Kölfel 36:9

Ifa usun sia pwári pwe sia aúcheani manaw?

• Föför 17:28; Pwärätä 4:11

  Manaw eú liffang seni Jiowa, iwe mi lamot sipwe aúcheani.

• Ekistos 21:22, 23; Tuteronomi 5:17

  Mi fókkun ngaw nimanaw me kata ménúkol resaamwo uputiw.

• 1 Johannes 3:11, 12, 15

  Koput mi ngaw.

• 2 Korint 7:1

  Túmúnuk seni féffér mi limengaw me efeiengaw, áwewe chék ren ún suupwa are drugs.

• Kölfel 11:5

  Ttii sonuk minen apwapwa me urumwot mi akkachofesá.

“Pun chan iteiten mönümanau ina manauan.”​—Lifitikos 17:14

Met án Kot ekiek usun manaw me chcha?

• Keneses 4:10; Tuteronomi 12:23

  Chcha a wewe ngeni manaw.

• Keneses 9:3, 4

  Sia tongeni ochooch futuk nge sisap ún chcha.

• Föför 15:28, 29; 21:25, Testament Mi Fö

  Án Kot allúkú ach sipwe túmúnúkich seni chcha a pwal kapachelong ach sisap áeá lón pekin sáfei.

• Ipru 11:6

  Sia akkomwa lón manawach ach riri ngeni Jiowa lap seni meinisin.

“Chaan Jesus . . . a limetikich seni ach tipis meinisin.”​—1 Johannes 1:7

Met sókkun feiéch án Jesus asor a atoto ngenikich?

• Lifitikos 17:11

  Lón fansoun lóóm, lupwen ekkewe chón Israel ra tipis, ra tongeni tingorei Jiowa an epwe omusaaló tipisiir ren ar eáni asor emén man me tingorei ewe souasor an epwe ninatiw ekis chchaan wóón ewe rongen asor.

• Mateus 20:28; Ipru 9:11-14

  Lupwen Jesus a feito fénúfan, a asoresini manawan, are chchaan, fán iten omusomusen ach kewe tipis. Ena a ekkesiwili ewe allúk usun asoren man.

• Johannes 3:16

  Pokiten manawen Jesus a mmen fókkun aúchea, iwe mwirin án Jiowa amanawasefáli Jesus ngeni manaw lón láng, Jiowa a suuki ngeni aramas meinisin mi lúkú Jesus ar repwe tongeni kúna manaw esemuch.