14. Met Kopwe Féri pwe Óm Famili Epwe Pwapwa?
1 KÓKKÓTUN FAMILI A POP SENI JIOWA
“Ren ei popun üa fotopwäsuk me mwen Samach lon läng, pun iteiten famili lon läng pwal won fanüfan ra angei iter me ren.”—Efisos 3:14, 15
Ifa usun epwe tongeni wor pwapwa lón óm famili?
Keneses 1:26-28
Jiowa a poputááni ewe áeúin famili.
-
Kiien án ewe famili epwe pwapwa ina ar áppirú Jiowa me Jesus.
2 PAIPEL A AWORA EMMWEN FÁN ITEN MWÁN ME FEFIN MI PWÚPWÚLÚ
“Ämi mwän meinisin oupwe fokun echeni en me pwülüan . . . nge ämi fefin meinisin oupwe meniniti pwülüemi.”—Efisos 5:33
Epwe ifa usun féfférún emén mwán are emén fefin ngeni pwúlúwan?
-
Wisen emén mwán epwe túmúnú an famili. Epwe tongei pwúlúwan, nge ewe fefin epwe álisatá minne pwúlúwan a eáni kefil.
-
A lamot repwe pwári kirekiréch lefiler me áfánnifengeniir.
-
Ekkewe mwán me fefin repwe súfélfengen lón ar pwúpwúlú.
-
Ewe mwán epwe túmúnú an famili lón pekin aion. Ewe fefin epwe túmúnú chón leimwan.
3 PAIPEL A AWORA EMMWEN FÁN ITEN SAM ME IN
“Ämi sam me in ousap föri ngeni nöümi kana mine repwe song ren. Nge oupwe tümwünüöchür fän ämi fönöör o öüröürer lon ach Samol.”—Efisos 6:4
Met wisen ekkewe sam me in?
Tuteronomi 6:4-9; Än Salomon Fos 22:6
Kopwe awora fansoun fán iten óm kopwe asukula noum kewe usun Jiowa. Seni chék lekúkkúnúr, kopwe mosonottam le álisi emén me emén pwe epwe wiliti chiechien Jiowa.
-
Áiti ngeni noum kewe semirit ifa usun repwe túmúnúúr seni reip me pwal ekkóch sókkun kirikiringaw lón pekin lisowu me pwal ekkewe ekkóch feiengaw.
Jeremaia 30:11; Ipru 12:9-11
Mi lamot kopwe apwúngú noum nge kosap féri ena fán song are arochongaw.
4 MET KOT A MOCHEN EKKEWE SEMIRIT REPWE FÉRI?
“Ämi nau kana, oupwe aleasochisi sememi me inemi.”—Efisos 6:1
Ámi nau kana, pwata mi lamot oupwe álleasochisi sememi kewe me inemi?
Än Salomon Fos 23:22-25; Kolose 3:20
Ámi álleasochis epwe apwapwaai Jiowa me sememi kewe me inemi.
-
Chiechi ngeni chókkewe mi tongei Jiowa. Iwe, epwe álisikemi le féri minne mi pwúng.