“A pwangekükün ewe asam o chökükün ewe al mi ale ngeni manau esemuch. Mi wor ekoch chök aramas mi fetal won ei al ngeni manau.”​—Mateus 7:14

Pwata sia silei pwe Kot ese etiwa lamalam meinisin?

• Mateus 7:21-23

  Kot ese etiwa ekkewe lamalam meinisin. Esap meinisin lamalam ra féri letipen Kot.

• Mateus 7:13, 14

  Fel mi enlet a emmwen ngeni manaw esemuch. Lamalam mi chofona a emmwen ngeni máló fóchófóch.

• Mateus 7:16, 17

  Ka tongeni esilla ewe lamalam mi enlet ren féfférún. Ese pwal lamot óm kopwe káé pwóróusen lamalam meinisin, kopwe chék káé met ewe Paipel a apasa.

• 1 Tesalonika 2:13; 2 Timoty 3:16, 17

  Lúkú chék me afalafala met a nóm lón ewe Paipel.

• Mateus 4:10; Johannes 17:6

  Fel ngeni Jiowa me pappani itan we.

• Johannes 13:35

  Pwárfengeni ewe tong mi enlet.

• Johannes 3:36; Föför 4:12

  Álleasochisi Jesus. Kot a néúnéú Jesus le angasakicheló.

• Johannes 18:36; Föför 5:29

  Kosap angolong lón mwékútúkútún mwúún fénúfan.

• Mateus 24:14; 6:10

  Áiti ngeni aramas pwe Mwúún Kot chék epwe pwákini osukosuk meinisin.

Met mi lamot kopwe féri ika ka mochen Kot epwe etiwa óm fel ngeni?

• James 2:19

  Ese naf óm kopwe chék lúkú pwe mi wor emén Kot. Mi lamot kopwe féri met a apasa lón ewe Paipel.

• Aisea 52:11; Pwärätä 17:5

  Lamalam chofona are ‘Papilon mi Lapalap’ a asukula aramas ewe sókkun fel ngeni Kot ese etiwa. Ra áiti ngeniir pwe mi wor úlúmén Kot lón emén, a wor ngúnún aramas ese tongeni máló, a wor ekkein ell, me pwal ekkóch afalafal mi chofona.

• Pwärätä 18:4, 8

  Ekiseló chék, Jiowa epwe ataieló lamalam chofona meinisin. Mi lamot kopwe péútaaló mettóch meinisin mi riri ngeni lamalam chofona.

• Markus 10:28-30

  Neman aramas repwe ú ngonuk, nge Jiowa esap likitukoló.