“Oupwe towu seniir o aimwükemiila seniir. Ousap atapa och mettoch mi limengau.”​—2 Korint 6:17

Pwata mi mwáál fel ngeni ululun me fel ngeni án aramas lewo?

• Ekistos 20:4, 5; 1 Johannes 5:21

  Jiowa ese sani sipwe néúnéú ululun lón ach fel ngeni.

• Tuteronomi 18:10-12

  Chókkewe mi fós ngeni ekkewe mi máló ra wesewesen fós ngeni ekkewe timon are ekkewe chónláng mi ngaw.

“Oupwe achocho le kütta mine ach Samol epwe pwapwa ren.”​—Efisos 5:10

Ika a wor eú ránin apwapwaan fénúfan, ifa usun kopwe apwúngaló ika kopwe fiti?

• Isikiel 44:23; 2 Korint 6:14, 15

  Ppii ika mi feito seni lamalam chofona.

• Ekistos 32:2-10

  Inaamwo ika ekkewe aramas mi féri eú ránin apwapwa ra enletin ekieki pwe a múrinné, nge neman Kot esap etiwa ewe apwapwa.

• Taniel 3:1-27

  Kosap fiti ekkewe apwapwa mi átekiatáái aramas, mwicheichen aramas, are filáik me metakkan.

• 1 Timoty 1:18, 19

  Kopwe itepék me rúúepek lón óm kefil, nge túmúnú pwe mwelien letipom epwe liméch mwen mesen Jiowa.

“Ämi kapas epwe pwetete o apwapwai aramas, iwe, oupwe silei mine oupwe pölüeniöchü ngeni aramas meinisin.”​—Kolose 4:6

Ifa usun kopwe áweweei óm lúkú ngeni ekkóch?

• Mateus 7:12

  Kopwe súféliti ar lúkú usun chék óm mochen repwe pwal súféliti óm lúkú.

• 2 Timoty 2:24

  Kopwe kapas pwetete me kosap ánini ngeni aramas usun met ka lúkú.

• 1 Petrus 3:15, 16

  Lupwen ka áweweei óm lúkú, kopwe mosonoson me pwári súfél.

• Ipru 10:24, 25

  Lupwen ka fiti án Chón Kraist kewe mwich, ekkewe ekkóch repwe apéchékkúlok me álisuk le silei met kopwe apasa lupwen aramas ra kapas eis usun met ka lúkú.