“Nengeni, a wor koluk ikei! Met a epeti ai üpwe papatais?”​—Föför 8:36

Pwata mi lamot óm kopwe papatais, me ifa usun kopwe papatais?

Papatais a pwári pwe ka likitaló manawom me lóóm me poputááni eú manaw mi fé ren óm féri letipen Kot.

• Mateus 28:19, 20

  A lamot kopwe papatais ren óm kopwe angang ngeni Jiowa.

• Kölfel 40:8

  Óm papatais ka pwári ngeni ekkewe ekkóch pwe ka mochen angang ngeni Kot.

• Mateus 3:16

  A lamot óm kopwe unusen mwootiw, are kokoló lón konik, usun chék Jesus.

“Wewen ach echeni Kot pwe sia aleasochisi an kewe allük. Nge an kewe allük resap weires ngenikich.”—1 Johannes 5:3

Pwata kosap niwokkus le fangóló manawom ngeni Jiowa?

• Kölfel 103:14; Aisea 41:10

  Ese lamot óm kopwe unuséch pwe kopwe tongeni fangóló manawom ngeni Jiowa. I epwe álisuk le féri minne mi pwúng.

• Kolose 1:10

  Óm tong ngeni Jiowa epwe álisuk le pworacho ngeni óm niwokkus le elichippúngú.

“Üa pwapwa le föri letipom, ai Kot, om allük a nom lon lelukei.”​—Kölfel 40:8

Met a lamot kopwe féri pwe kopwe tongeni fangóló manawom ngeni Jiowa?

• Johannes 17:3

  KÁÉ ÁN KOT WE KAPAS

  Kopwe sissileeló Jiowa me Jesus Kraist. Lapólóón óm káé usur, pwal ina lapólóón óm tongeer.

• Ipru 11:6

  ÁMÁÁRAATÁ ÓM LÚKÚ

  Unusen lúkúlúk wóón án Jiowa kewe pwon me manamanen án Jesus we asor le amanawakich seni tipis me máló.

• Föför 3:19, Testament Mi Fö

  AIER

  A wewe ngeni óm kopwe fókkun niamam ren meinisin ekkewe mettóch mi mwáál ka féri.

  KULSEFÁL

  A wewe ngeni óm kopwe úkú seni féffér mi mwáál me féri met mi pwúng.

• 1 Petrus 4:2

  FANGÓLÓ MANAWOM

  Óm fangóló manawom ngeni Jiowa a wewe ngeni pwe ka pwon ngeni lón iótek pwe kopwe fel ngeni i me akkomwa lón manawom minne a mochen.