“Kapasen lon ekewe Toropwe mi Pin meinisin ra pop seni Ngünün Kot.”​—2 Timoty 3:16

Pwata ewe Paipel a sókko seni puk meinisin?

Ewe Paipel a fen afféú lón 2,800 fósun fénúfan me iei a fen wor fitu billion kapiin Paipel.

A wor ekkewe pwóróus Paipel chék a tongeni áweweei.

• 1 Tesalonika 2:13

  Ewe Paipel a pop seni Kot.

• 2 Petrus 1:21

  Kot a emmweni ekkewe mwán ar repwe makkeei masouen an ekiek.

“Kot . . . esap chofona.”​—Titus 1:2

Pwata kopwe tongeni lúkúlúk wóón ewe Paipel?

• Aisea 44:27–45:2

  Fitepúkú ier mwen án Papilon epwe kkuf lón maun, ewe Paipel a fen oesini ifa usun epwe fis ena.

• 2 Timoty 3:​1-5

  Án Paipel kewe oesini ra kan pwéppwénútá iei.

• Numperis 23:19

  Sia tongeni lúkúlúk wóón met ewe Paipel a apasa usun mwachkkan.

“Ngang ewe Samol mi Lapalap om we Kot. Üa aiti ngonuk mine kopwe feiöch ren.”​—Aisea 48:17

Met ka fen káé usun ewe Paipel?

• Hiop 26:7; Än Salomon Afalafal 1:7

  A pwúng met Paipel a apasa usun science.

• Numperis 20:2-12

  Ekkewe chón makkeei Paipel ra wenechar.

• Mateus 5-7

  Jesus a awora kapasen fén ren ifa usun sipwe pwapwa, ifa usun sipwe kútta kinamwe lefilach me ekkewe ekkóch, ifa usun sipwe iótek, me ifa ewe ekiek mi pwúng usun moni.

“Än Kot kapas a manau o manaman.”​—Ipru 4:12

Ifa usun án Kot Kapas a tongeni álisuk?

• A tongeni álisuk le weweiti met Kot a tipeni.

• A tongeni álisuk le esilla ika en met sókkun aramas.

• A tongeni álisuk óm kopwe weweiti met Kot a mochen kopwe féri.

Kot a mochen óm kopwe álleani, káé, me aúcheani ewe Paipel.