“Ekewe chon pwüng repwe fanüeni ewe fanü o nonom won tori feilfeilachök.”​—Kölfel 37:29

Met Kot a tipeni fán iten aramas?

• Keneses 1:28

  Kot a mochen pwe ekkewe famili repwe féri ei fénúfan pwe epwe eú paratis me repwe wisen túmúnú ekkewe man.

• Aisea 46:9-11; 55:11

  Kot epwe chék apwénúetá minne a tipeni nge esap wor och mettóch epwe eppeti.

“Unusen fanüfan a nom fän nemenien Ewe mi Ngau.”​—1 Johannes 5:19

Ié a nemeni ei fénúfan?

• Johannes 12:31

  Jesus a apasa pwe Satan i samolun ei fénúfan.

• James 1:13-15

  Satan a mocheniaiti met esap an.

• Keneses 2:17; 3:1-6

  Satan a otupu Efa, Atam me Efa ra álleasolapa Kot, iwe mwirin ra máló.

• Rom 3:23; 5:12

  Sia kan mámmáló pokiten sia álemwiri tipis seni Atam.

• 2 Korint 4:3, 4

  Satan a kan otupu aramas.

“Mwum epwe war, letipom epwe fis won fanüfan.”​—Mateus 6:10

Met Jiowa epwe féri?

• Taniel 2:44

  Án Kot we Mwú epwe siwili mwúún fénúfan meinisin.

• Pwärätä 16:14-16

  Kot epwe ataieló ei ótót mi ngaw lón Armaketon.

• Aisea 9:6, 7

  Jiowa a filatá Jesus an epwe Kingen Mwúún we lón láng. Jesus epwe wisen nemeni fénúfan.

“Ka suki poum o ngeni ekewe mönümanau meinisin mine repwe menemenöch ren.”​—Kölfel 145:16

Met án Kot we Mwú epwe féri fán itach?

• Kölfel 46:9

  Epwe móróló maun, ipweri allúk, me akkachofesá.

• Aisea 32:18; 65:21-24

  Lón ewe ótót sefé, aramas meinisin epwe wor imwer me ar atake mi lingéch, repwe pwal manaw fán kinamwe.

• Kölfel 72:16

  Epwe wor chómmóng mwéngé.

• Aisea 11:6-9

  Epwe wor kinamwe lefilen ekkewe aramas me man.

• Aisea 33:24; Föför 24:15

  Esap wor emén epwe chúen samau, me ekkewe mi máló repwe manawsefál.