“[Ewe] Nöün Aramas . . . a feito an epwe . . . fangala manauan fänäsengesin chomong aramas pwe möön manauer.”​—Mateus 20:28

Pwata mi lamot ngenikich ewe méén kepich?

• Keneses 3:17-19

  Lupwen Atam a álleasolapa Kot, a péút seni an chiechi mi kkóló aúchean ngeni Jiowa, manaw mi unuséch, me leenian we Paratis.

• Rom 5:12

  Pokiten met Atam a féri, iwe sia álemwiri tipis me máló.

• Efisos 1:7

  Jiowa a awora ewe méén kepich pwe epwe angasaaló aramas seni tipis me máló.

“Kot a . . . tinato Nöün Aleman lon fanüfan, pwe kich sipwe manau ren.”​—1 Johannes 4:9

Ifa usun Jiowa a awora ewe méén kepich?

• Kölfel 49:7, 8

  Ese fókkun wor emén leich a tongeni awora ewe méén kepich fán iten ewe manaw mi unuséch a fen péút seni Atam.

• Lukas 1:35

  Jiowa a tiinaato Néún we mi áchengicheng an epwe uputiw wóón fénúfan nge i emén aramas mi unuséch.

• Rom 3:23, 24; Ipru 9:24

  Mwirin án Jesus manawsefál a liwiniti láng, me Jiowa a etiwa aúchean an we asor le fangóló manawan mi unuséch pwe méén kepichin aramas.

“Epwe talüpwasei chönün mas seni won meser meinisin. Esap chüen wor mäla.”​—Pwärätä 21:4

Ifa usun sipwe kúna feiéch seni ewe méén kepich?

• 1 Johannes 1:8, 9

  A tongeni musoló ach kewe tipis.

• Ipru 9:13, 14

  Sia tongeni eáni eú mwelien letip mi liméch mwen mesen Kot.

• Rom 6:23

  Mi wor ach ápilúkúlúk fán iten manaw esemuch.

• Kalatia 2:20

  Ewe liffangen méén kepich a ánnetatá pwe Jiowa me Jesus ra wesewesen tongekich.

“[Kot] a fangala Nöün Aleman, pwe meinisin mi lükü i . . . repwe eäni manau esemüch.”​—Johannes 3:16

Ifa usun sipwe pwáraatá ach kilisou ren án Kot liffangen méén kepich?

• Johannes 17:3

  Kopwe achocho le sissileeló Jiowa me Jesus, me áppirúúr.

• Lukas 22:19

  Fiti Áchechchemen án Kraist máló iteiten ier.

• Johannes 3:36; James 2:26

  Kosap chék apasa pwe ka lúkú Jesus. Nge kopwe féri met Jesus a áiti ngenikich pwe sipwe féri.