“Ekewe sotup resap silei och mettoch.”​—Än Salomon Afalafal 9:5

Met a fis ngenikich atun sia máló?

• Kölfel 146:3, 4; Än Salomon Afalafal 9:6, 10

  Atun sia máló sise tongeni kúna, sise tongeni rong, me sise tongeni ekiek.

• Johannes 11:11-14

  Jesus a aléllééi máló ngeni annut.

“Seni ewe irän silei öch me ngau kosap fokun mongö. Pun lon ränin om kopwe mongö seni, kopwe fokun mäla.”​—Keneses 2:17

Met popun aramas ra máló?

• Keneses 3:1-6

  Satan a kapas chofona usun met epwe fis ngeni Efa ika a álleasolapa met Kot a allúk ngeni. Atun Atam me Efa ra álleasolapa Jiowa, ra tipis me mwirin ra máló.

• Keneses 3:19

  Atun Atam a máló, a much manawan.

• Rom 5:12

  Tipis a usun chék eú samau mi fókkun chou sia álemwiri seni Atam me Efa. Kich meinisin sia uputiw lón tipis, ina popun sia máló.

• 1 Korint 15:26

  Ewe Paipel a eita ngeni máló chón oputach.

“Are eman aramas a mäla, ifa usun, epwe pwal manausefäl? . . . Üpwe witiwit tori fansoun ai ngasala epwe feito.”​—Hiop 14:14

Ifa usun ach silei ewe enlet usun máló a angasakicheló seni pwóróus mi chofona?

• 1 Johannes 4:8

  Ewe afalafal usun ekkein ell a eitengawa Jiowa. Pún i ese fókkun tipeeú ngeni án aramas repwe riáfféú lón ekkei tori feilfeiló chék.

• Pwärätä 4:11

  Chómmóng aramas ra niweiti ekkewe mi máló, ina popun ra niwokkusitiir me fel ngeniir nge esap Jiowa. Jiowa i ewe Kot mi enlet, iwe sipwe fel ngeni i chék.