“Mwum epwe war, letipom epwe fis won fanüfan usun chök lon läng.”​—Mateus 6:​9-13

Met weween án Kot we Mwú?

• Pwärätä 11:15

  Án Kot we Mwú a nóm láng nge epwe nemeni unusen fénúfan.

• Pwärätä 17:14

  Jesus i Kingen án Kot we Mwú.

• Pwärätä 14:1, 4

  144,000 aramas repwe feitá láng me eti Jesus le nemenem.

• Ipru 4:15; 5:8

  Jesus me ekkewe 144,000 ra weweiti weiresin letipach me ekkewe osukosuk ra tottorikich.

“Epwe apwüngü chon wöüngau fän pwüng.”​—Aisea 11:4

Pwata a fich ngeni Jesus an epwe Kingen án Kot we Mwú lap seni aramas meinisin?

• Rom 6:9

  Sounemenem wóón fénúfan meinisin ra mámmáló, nge Jesus esap tongeni máló. Mettóch meinisin mi múrinné Jesus epwe féri fán itach epwe nómofócheló.

• Aisea 11:2-4

  Jesus a tongeni féri ekkewe mettóch mi múrinné lap seni met ekkewe sounemenem ra tongeni féri. I a fókkun manaman lap seniir meinisin. A úméúméch me pwúng.

“Ewe Koten läng epwe aüetä eu mwü esap tongeni tala.”​—Taniel 2:44

Met ewe Mwúún Kot a fen féri? Met epwe féri lón mwachkkan?

• Pwärätä 12:7-12

  Mwirin án Jesus wiliti King lón 1914, a oturatiw Satan seni láng ngeni wóón fénúfan. Ina popun a kon chómmóng osukosuk, metek, me riáfféú wóón unusen fénúfan.

• Än Salomon Afalafal 8:9; Pwärätä 16:16

  Lón Armaketon, Mwúún Kot epwe ataieló ekkewe mwúún fénúfan mi ngaw meinisin.

• Kölfel 37:10

  Ekkewe aramas mi chék sópweló le féfféringaw repwe ninniiló.

• Pwärätä 22:1-3

  Atun án Kot we Mwú epwe nemeni ei fénúfan, esap wor emén epwe chúen samau are máló, me aramas meinisin repwe asamolu iten Kot.