“Üa osuni me lepopun mine epwe fis le sopolan, üa pwal pwärätä seni ekewe fansoun lom mettoch resamwo fis.”​—Aisea 46:10

Met sia silei usun ewe fansoun sópwólóón?

• Taniel 7:13, 14

  Jesus a wiliti King lón láng lón ewe ier 1914.

• Mateus 24:3-14

  Jesus a oesini pwe epwe wor fansoun weires epwe tori aramas.

• Pwärätä 12:7-9, 12

  Ekiseló mwirin án Jesus a wiliti King, a oturatiw Satan seni láng ngeni wóón fénúfan. Satan a fókkun lingeringer pokiten “a mochomoch chök an fansoun” pún ekiseló chék Kot epwele kalapusei.

“Kopwe pwäri ngenikem asisilen . . . ewe fansoun sopolan.”​—Mateus 24:3

Ka fen kúna pwe án Paipel kewe oesini ra pwéppwénútá iei?

• Mateus 24:7; Lukas 21:11

  Lap seni lóóm, sia kan kúkkúna maun, echik, chechchechin fénú me samau.

• 2 Timoty 3:1-5

  Ewe aposel Paulus a affata met napanapen aramas lón ránin lesópwólóón.

• Taniel 12:4

  Kot a álisi néún kewe aramas ar repwe wewefichiti ewe Paipel lón ei fansoun lap seni lóóm.

• Mateus 24:14

  Ewe kapas allimen Mwúún Kot a kan afalafalfeil wóón unusen fénúfan.

“Ewe rän ach Samol epwe war lon epwe usun chök än eman chon solä war lepwin.”​—1 Tesalonika 5:2

Pokiten a arapoto ewe sópwólóón, met a lamot óm kopwe féri?

• Johannes 17:3

  Alamotaéchú óm káé Paipel.

• Ipru 10:24, 25

  Alapaaló óm sile ren óm fiffiti ekkewe mwich án Chón Pwáraatá Jiowa.

• James 4:8

  Kopwe féri ekkesiwil lón manawom pwe kopwe tongeni arap ngeni Kot.

• Lukas 21:34-36

  Túmúnuk seni ekkewe mettóch epwe erikukóló, me akkomwa lón manawom óm fel ngeni Jiowa.