Fite billion aramas ra kan erá pwe iir Chón Kraist. Nge saminne iir meinisin ra taitap wóón met ra eáni lúkú, are taitap wóón met allúk ra fiti. Iwe, ifa usun sipwe esilla ekkewe Chón Kraist mi enlet?

1. Ié kewe Chón Kraist mi enlet?

Chón Kraist, iir néún Jesus Kraist chón káé, are chón tapweló mwirin. (Álleani Föför 11:26.) Ifa usun ra ánneta pwe iir néún Jesus chón káé? Iei met Jesus a apasa: “Are oupwe aleasochisi ai kewe kapas, oupwe wesewesen nei chon kaiö.” (Johannnes 8:31) Weween, a lamot án ekkewe Chón Kraist mi enlet repwe álleasochisi minne Jesus a eáni asukul. Fansoun meinisin, Jesus a kan asukula minne ewe Paipel a apasa. Pwal ina usun ren ekkewe Chón Kraist mi enlet, ra alónga ar lúkú wóón ewe Paipel.​—Álleani Lukas 24:27.

2. Ifa usun ekkewe Chón Kraist mi enlet ra pwári tong?

Jesus a ereni néún kewe chón káé: “Oupwe echenifengenikemi lefilemi usun ngang üa echenikemi.” (Johannes 15:12) Ifa usun Jesus a pwári pwe a tongei néún kewe chón káé? A nónnóm rer, apéchékkúla letiper, me álisiir. A pwal mwo nge fangóló manawan fán iter. (1 Johannes 3:16) Pwal ina usun ren chókkewe mi enletin tapweló mwirin Jesus, rese chék afalafala usun tong, nge ra pwári lón ar kapas me féffér pwe ra tongefengeniir.

3. Ifa ewe angang ekkewe Chón Kraist mi enlet ra fókkun achocho le féri?

Jesus a ewisa ngeni néún kewe chón káé eú angang. “A tiniirela pwe repwe afalafala usun ewe Mwün Kot.” (Lukas 9:2) Ekkewe Chón Kraist lóóm rese chék afalafal lón ekkewe leeni ra kan féri ar angangen fel ie, nge ra pwal afalafal ikewe aramas ra kan soun nóm ie, me pwal lón imwen aramas. (Álleani Föför 5:42; 17:17.) Pwal ina usun ren ekkewe Chón Kraist mi enlet lón ei fansoun, ra afalafala ewe pwóróus mi enlet seni Paipel ikewe aramas ra nóm ie. Ra tongei aramas, ina popun ra pwapwa le áeá ar fansoun me péchékkúl le áiti ngeniir ewe ápilúkúlúk seni Paipel mi tongeni oururuur.​—Markus 12:31.

 KÚTTAFICHI

4. Ra kútta ewe enlet seni Paipel

5. Ra afalafala ewe enlet seni Paipel

 6. Ra apwénúetá minne ra afalafala

Met a alúkúlúkú ngeni emén mwán itan Tom pwe a kúna ewe lamalamen Chón Kraist mi enlet? Fichi ei VIDEO, me mwirin pwóróusfengen wóón ekkeei kapas eis.

• Lón ewe video, met a efisi án Tom epwe úkútiw le fiti lamalam?

• Met a alúkúlúkú ngeni pwe a kúna ewe enlet?

Ika emén a erá pwe i emén chón tapweló mwirin Jesus, iwe a lamot an epwe pwári ena lón féfférún. Álleani Mateus 7:21, me mwirin pwóróusfengen wóón ei kapas eis:

• Me ren Jesus, pwata ese naf ach sipwe chék erá pwe kich chón tapweló mwirin?

7. Ra tongefengeniir

• Ifa féfférún néún Jesus kewe chón káé (Chón Kraist mi enlet) ngeni chón pwal eú lewo are fénú?

• Ifa usun a pwá ena atun a kan fis maun?

 MENLAPAN

Chón Kraist mi enlet ra fiti met Paipel a eáni káit, eáni ewe esin tong mi pennúkúóló pwisin mochenin, me ra afalafala ewe enlet seni Paipel.

Enniwili

• Met ekkewe Chón Kraist mi enlet ra alónga ar lúkú wóón?

• Ifa ewe napanap mi esissillatá ekkewe Chón Kraist mi enlet?

• Ifa ewe angang Chón Kraist mi enlet ra féri?