LESEN 37
Minne ewe Paipel A Apasa Usun Angang me Moni
Ka kan aúreki óm angang are noum moni? A tongeni weires ach sipwe awora met ekkewe sia osupwangan me pwal angang ngeni Jiowa ren unusen letipach. Ewe Paipel a awora kapasen emmwen mi álilliséch a tongeni álisikich.
1. Met ewe Paipel a apasa usun angang?
Kot a mochen ach sipwe pwapwa lón ach angang. Ewe Paipel a erá pwe “a mürina seni meinisin pwe eman aramas epwe . . . pwapwa lon an angang weires.” (Än Salomon Afalafal 2:24) Jiowa a angang weires. Iwe, atun sia áppirú i lón ach achocho lón ach angang, sipwe apwapwaai i me kich pwisin sipwe pwal pwapwa.
A mmen aúchea angang. Nge sisap fókkun mut ngeni an epwe kon aúchea lap seni ach fel ngeni Jiowa. (Johannes 6:27) A pwonei pwe epwe awora met sia osupwangan lón pekin aion ika sia akkomwa i lón manawach.
2. Ifa ewe ekiek mi pwúng usun moni?
Ewe Paipel a erá pwe moni a “alisi aramas,” nge a pwal éúréúrakich pwe moni ese tongeni atoto ngenikich pwapwa. (Än Salomon Afalafal 7:12) Ina popun, a pesekich ach sisap kon aúcheani moni nge sipwe fen ‘menemenöch ren mine sia eäni.’ (Álleani Ipru 13:5.) Ika sia menemenéch ren met mi wor rech, iwe sisap lichippúng ren ach ekieki pwe ese naf met mi wor rech. Epwe pwal túmúnúkich seni watteen liwinimmang. (Än Salomon Fos 22:7) Epwe pwal túmúnúkich seni efeiengawen ppet wóón moni me ekkewe sókkun business aramas ra kan erá pwe sia tongeni mwittir wéúéchúló rer.
3. Ifa usun sipwe kisáseú wóón néúch moni?
Jiowa i emén Kot mi kisáseú, me sia áppirú i atun sia “kichiöch o mochen alisi aramas.” (1 Timoty 6:18) Sia tongeni néúnéú néúch moni le álisatá ewe mwichefel me álisi ekkewe mi osupwang, ákkáeúin chienach kewe Chón Kraist. Jiowa a kon aúcheani ewe popun sia awora ewe moni, nge esap fen ewe úkúkún sia awora. Atun sia fangafangéch seni letipach, sipwe pwapwa me sipwe pwal apwapwaai Jiowa.—Álleani Föför 20:35.
KÚTTAFICHI
Ppii aúchean ach eáni ekiek mi pwúng usun angang me ach menemenéch.
4. Elingaaló Jiowa ren napanapen óm angang
Ach chiechi ngeni Jiowa epwe émúrinnéló ach ekiek usun angang. Fichi ei VIDEO, me mwirin pwóróusfengen wóón ekkeei kapas eis.
-
Lón ewe video, met ka sani usun ekiekin me féfférún Jason lón an we leenien angang?
-
Met a féri pwe epwe itepék me rúúepek lón an angang?
Álleani Kolose 3:23, 24, me mwirin pwóróusfengen wóón ei kapas eis:
-
Pwata a mmen aúchea minne sia eáni ekiek usun ach angang?
A mmen aúchea ach angangen moni. Nge sisap fókkun mut ngeni an epwe kon aúchea lap seni ach fel ngeni Jiowa
5. Ach menemenéch a atoto feiéch
Chómmóng aramas ra achocho úkúkún ar tufich le alapaaló néúr moni. Nge a sókkóló met ewe Paipel a pesengenikich ach sipwe féri. Álleani 1 Timoty 6:6-8, me mwirin pwóróusfengen wóón ei kapas eis:
-
Met ewe Paipel a pesengenikich ach sipwe féri?
Inaamwo ika sise pisekisek, nge sia tongeni pwapwa. Fichi ei VIDEO, me mwirin pwóróusfengen wóón ei kapas eis.
-
Inaamwo ika ese watte néún ekkewe famili moni, nge met a efisi ar pwapwa?
Nge ifa usun ika sia pisekisek nge sia pwal chúen mochen alapaaló? Jesus a eáni ei kapas áwewe mi affata úkúkún efeiengawen ena. Álleani Lukas 12:15-21, me mwirin pwóróusfengen wóón ei kapas eis:
-
Met ka káé seni án Jesus na kapas áwewe?—Ppii wokisin 15.
Álleani Än Salomon Fos 10:22 me 1 Timoty 6:10. Mwirin pwóróusfengen wóón ekkeei kapas eis:
-
Me reom, met a kon aúchea, óm ririéch ngeni Jiowa are an watte noum moni? Pwata ka erá ena?
-
Met sókkun osukosuk a tongeni fis ngeni emén mi chék mochen akkalapaaló néún moni?
6. Jiowa epwe awora minne sia osupwangan
Angang me moni ra tongeni sótuni ach lúkúlúk wóón Jiowa. Fichi ei VIDEO pwe kopwe kúna ifa usun sia tongeni pworacho ngeni sóssótun ach lúkú, me mwirin pwóróusfengen wóón ekkeei kapas eis.
-
Lón ewe video, met sókkun sóssót ewe Chón Kraist mwán a kúna?
-
Met a féri pwe epwe tongeni sópwéch lón an likiitú fán ekkena sóssót?
Álleani Mateus 6:25-34, me mwirin pwóróusfengen wóón ei kapas eis:
-
Met Jiowa a pwonei an epwe féri fán iten chókkewe mi akkomwa i lón manawer?
EKKÓCH RA ERÁ: “A lamot upwe angang weires pwe upwe atufichi ai famili. Use tongeni fiti mwich iteiten wiik.”
-
Menni wokisin a alúkúlúkú ngonuk pwe óm akkomwa óm fel ngeni Jiowa ina eú kefil mi aúchea seni meinisin?
MENLAPAN
Angangen moni me moni ra lamot, nge sisap fókkun mut ngeniir ar repwe eppeti ach angang ngeni Jiowa.
Enniwili
-
Met epwe álisuk le eáni ekiek mi pwúng usun angang?
-
Ifa usun óm menemenéch a tongeni atoto ngonuk feiéch?
-
Ifa usun kopwe pwári pwe ka lúkú án Jiowa pwon pwe epwe awora minne néún kewe aramas ra osupwangan?
PWAL EKKÓCH PWÓRÓUS
Ppii ika Paipel mi erá pwe a ngaw moni.
Ppii ifa usun sia tongeni néúnéú néúch moni lón ewe napanap epwe apwapwaai Kot.
Mi wor ngawen ppet wóón moni?
Álleani met a álisi emén mwán an epwe úkú seni an soun ppet wóón moni me solá.
“I Was Passionate About Racehorses” (The Watchtower, November 1, 2011)
