Mwen ewe káé

1. 1. Mmólnefichitá. Atun óm féri ena, ekieki met a lamot ngeni noum we chón káé, nónnómun, me met a lúkú. Ekieki menni pwóróus eli epwe weires ngeni an epwe weweiti are apwénúetá. Ekieki ifa ussun masouen ewe kinikin “Pwal Ekkóch Pwóróus” epwe álisi, me mmólnetá le áiti ngeni atun ámi káé iká mi lamot.

Atun ewe káé

1. 2. Poputááni me asopwaló ewe káé ren iótek iká ewe chón káé a tipeeú ngeni.

2. 3. Kosap kon fós chómmóng. Nefótófót wóón masouen ewe lesen, me mut ngeni ewe chón káé an epwe uwawu meefian.

3. 4. Atun oupwele poputááni eú mineféén kinikin lón ewe puk, álleani ewe kinikin menlapan mi nóm lepoputáán ewe kinikin, me menlapei ekkóch ekkewe itelap lón ena kinikin.

4. 5. Iká oua áwesi eú kinikin, áeá ewe enniwilin kinikin le álisi ewe chón káé an epwe chechchemeni ekkewe pwóróus mi enlet a káé.

5. 6. Atun oupwe káé iteiten lesen:

   1. Álleani ekkewe parakraf lón ewe áeúin kinikin.

   2. Álleani meinisin ekkewe wokisin mi mak “Álleani.”

   3. Álleani ekkewe pwal ekkóch wokisin iká mi lamot.

   4. Fichi meinisin ekkewe video mi mak “Fichi” (iká mi wor noum).

   5. Eisini ewe chón káé ekkewe kapas eis.

   6. Ereni ewe chón káé an epwe katol ewe sasing lón ewe kinikin “Kúttafichi,” me eisini iká met meefian ren.

   7. Áeá ewe pwóór “Achocho Ngeni” le álisi noum we chón káé le kúna an feffeitá lón an káé. Ka tongeni pesei an epwe achocho ngeni ewe mi fen makketiw, isettiw pwal ekkóch epwe achocho ngeni, are fen féri iir me ruu.

   8. Eisini iká menni lein ekkewe lesen are video lón ewe kinikin “Pwal Ekkóch Pwóróus” a kon sani atun a ammólnatá ewe lesen.

   9. Achocho le áwesi eú me eú lesen lón eú fansoun káé.

Mwirin ewe káé

1. 7. Ekieki noum we chón káé. Tingorei Jiowa an epwe efeiéchú an achocho, me fang ngonuk tipáchem pwe kopwe silei ifa ussun kopwe álisi.