Minne Filip A Féri

Met Sia Káé Seni Filip?

2. Iká sia chék akkaasoos ngeni emén tori an a suuk alen ach sipwe afalafal ngeni, iwe eli epwe kinamwe me tipemecheres le aúseling ngenikich.

 Áppirú Filip

3. Ekieki nónnómun ewe emén. Wówóón me nikinikin emén a tongeni áiti ngenikich chómmóng mettóch ussun i. A pwá me wóón pwe a mochen fós ngonuk? Eli ka tongeni poputá le fós ussun och mettóch seni Paipel ren óm apasa, “En mi silei pwe . . . ?” Kosap echchimwa emén iká ese mochen fós.

4. Mosonottam. Kosap ekieki pwe mi lamot óm kopwe mwittir poputá le fós ussun ewe Paipel. Witiwiti ewe fansoun mi fich pwe kopwe tongeni pwóróus wóón fán kinamwe. Fán ekkóch, epwe wewe ngeni óm kopwe witi tori lón pwal eú fansoun oupwap pwóróusfengen wóón.

5. Tipemecheres. Eli emén epwe poputá le fós wóón och mettóch kese ekieki pwe epwe eppiietá. Ina popun, kopwe tipemecheres le áiti ngeni ena emén och pwóróus mi aúchea ngeni seni Paipel inaamwo iká a wewe ngeni óm kopwe ekkesiwili met ewe ka ekiekin pwóróus ngeni wóón.