Minne Jises A Féri

Met Sia Káé Seni Jises?

2. A lamot ngenikich tipepwora le afalafala pwóróusen ewe Mwú ngeni meinisin aramas.

 Áppirú Jises

3. Lúkúlúk wóón Jiowa. Án Kot we manaman a álisi Jises lón an afalafal, me a pwal tongeni álisuk. (Mat. 10:​19, 20; Luk 4:18) Tingorei Jiowa óm tipepwora pwe kopwe afalafal ngeni chókkewe ka niwokkusitiir.—Féf. 4:29.

4. Kosap mwittir apwúngaló och mettóch ussun emén. Eli sipwe pireir le fós ngeni ekkóch aramas pokiten napanapen inisiir, nónnómun me napanapen manawer, are pokiten ar lúkú. Nge chemeni:

1.    Jiowa me Jises ra tongeni silei masouen letipen aramas, nge kich sise silei.

2.   Sisap féraaló pwe ese fichiiti emén án Jiowa epwe álisi.

5. Kopwe tipepwora nge pwal pwáári súfél me túmúnúéch. (Mat. 10:16) Kosap ánini. Fán súfél aúkatiw ewe pwóróusfengen iká ewe emén ese mochen aúseling ngeni ewe kapas allim, are iká ka meefi pwe kopwele tolong lón feiengaw.—SalF. 17:14.