Ahebreu 1:1-14
1 Wale, Mulugu ohiloga na azamani ehu dila dhinjidhene vina na mikalelo dhinjidhene, àrumaga anamavuhulela.
2 Ovano, masiku abano omariha, iyene onologa na iyo amulabihedhaga Mwanaye, odduwene omuttomeliye ohalana dhotedhene vina ottanddiliyena dhilobo dhotedhene dha mwilaboni.*
3 Iyene ddi nladdaniho na nttittimiho na Mulugu vina ddi ezinddiyelo ya ebaribari ya okalawo waye, ddi iyene onlibiha dhotedhene na nzu naye na guru. Mmaleliye onikoddeliha mwa dhottega dhehu, owela wirimu, ogilati omononi woja wa Mulugu munddimuwa, wirimu.
4 Dhahene iyene okala munddimuwa wapitta anju ena, vowi ohivahiwa nzina na ttima opitta mazina awa.
5 Motagiha, anju gani waromilege Mulugu ologana dhahi: “Weyo oli mwanaga; ddabuno miyo ddikala babo”? Vina: “Miyo ddinele okala babe, vina iyene onele okala mwanaga”?
6 Mbwenyi amurumaga Mwanaye woroma ottanddiwa odha velaboni ya vati, ohiloga dhahi: “Anju otene a Mulugu amuttittimihe.”*
7 Ottiya ejo, iyene onologa mwaha wa anju: “Iyene onowakosa anju aye okala a guru,* vina onowakosa emeleli aye ninga malumi a motto.”
8 Mbwenyi mwaha wa Mwanaye, iyene onloga dhahi: “Mulugu ddi mpaddo wa ottonga waye okala n’okala-wene vina fibo ya Omwene waye, ji fibo ya ottonga n’oligana.
9 Nyuwo mukwela oligana, muhidda dhili dhabure. Nona Mulugu, Mulugu wenyu, ohuttikittelani venjene na makura ottabiha opitta amwene ena.”
10 Dholeba dha Mulugu dhinloga dhahi: “Eh Nabuya! Nyuwo muhawita alsersi a velaboni ya vati vina erimu mabasa a mada enyu.
11 Elabo na erimu kadhinakalewo, mbwenyi nyuwo munele okalawovi, elabo na erimu dhinele odduwa ninga mundduwela guwo,
12 vina nyuwo munele ofunya ninga mukumi vina munele ofunya ninga guwo, esidhá dhinele osadduliwa, mbwenyi nyuwo kamunsadduwa vina vyaka dhenyu kadhinagome.”
13 Vano anju gani waromilegiye ologana dhahi: “Kagilati omononi waga woja ofiyedha miyo wattiya amwiddani awo, mutxiddo mwa manyalo awo”?
14 Anju kahiyo muya dhinlaba mabasa a Mulugu, vina kahiyo abuwene anaruma Mulugu wila àkamihedhe abale anavuneye?
Manota
^ Obe, “masaka.” Kang’ana Mazu Atapuleliwe.
^ Obe, “akokore vamentoni vaye.”
^ Obe, “ninga pevo.”