Ahebreu 5:1-14
5 Muttu wotene onttomiwa ninga namakutta munddimuwa onowalabela attu mwa dhilobo dhiniwawana na omwebedha wawa Mulugu, dhawene iyene onowodha operheka mikutto.
2 Iyene onowodha waweddiha n’okurumuwa abale ahinna eziwelo vina anvirigana, vowi iyenene vina onowanana dhowobana dhaye,
3 vina sabwa ya ejuwene iyene vina onofuniwana operheka mivaho mwaha wa dhottega dhaye dhahene ninga munkoseliye na dhottega dha nlogo.
4 Kavo muttu onvittoma mwinya ninga namakutta munddimuwa, mbwenyi Mulugu bahi ddinimuttoma, dhahene ninga mmuttomeliye Aroni.
5 N’ekalelo yakakene, Kristu kavittittimihile mwinya avikosihaga namakutta munddimuwa, mbwenyi ottittimihiwe na Mulugu omwaddelile dhahi: “Weyo oli mwanaga; ddabuno miyo ddikala babo.”
6 Dhahene ninga mulogeliye epaddi yina, “Weyo oli namakutta namukalakala n’ekalelo ya Melkizedeki.”
7 Kristu vàliye velaboni ya vati, omukumbirha vina omulobelela Mulugu na ntidi, Odduwene wawodha onvuna mukwani, amunlelaga na lizu noliba na mintori, iyene ovuruwaniwa sabwani wannimova Mulugu.
8 Masiki vàliye mwana, ohisunza wiwelela mwaha wa dhilobo dhitabuwiliye.
9 Mmaleliye okalihiwa owakwana, okala mwimeleli wa ovuneya wa mukala-kala wa abale otene animwiwelela,
10 sabwani ottomiwa na Mulugu wi akale namakutta munddimuwa n’ekalelo ya Melkizedeki.
11 Nikaana dhinjidhene dha ologa mwaha wa Kristu, mbwenyi enorutxa outapulelanimo, sabwani munogonela ononelamo.
12 Txibarene mudhidhi obuno nyuwo mwanfwanyela okala anamasunziha mbwenyi munofuna wi musunzihiwege dhilobo dhoroma dha muttaka wokoddela wa Mulugu, vina muhiyelela wamwa nibele ottiya oja yoja yovadda.
13 Vowi ole onamwa nibele, kanziwa nzu na Mulugu nttuwene ninsunziha esile dhili dhapama, sabwani mwana mung’ono.
14 Vano yoja yovadda ja abale anna nroromelo noliba, anna yubuwelo yawa yowaralihiwa, anwodha ozinddiyela ottiyana wa yapama na yabure.
