Dhilebiwe na Luka 3:1-38
3 Yaka yanokumi na tanu y’olamulela wa Tibério Sézari, Pónsio Pilato bali governador w’o Judeya, Herodi* wali governador wa distritu y’o Galileya, mbalaye Filipi wali governador wa distritu ya murudda wa Itureya na Trakoníti vina Lizánia wali governador wa distritu ya Abilene.
2 Masiku a namakutta munddimuwa Anaz na Kaifá, Joau mwana Zakariya ohakela mpaganyo wa Mulugu bali mwiddeddereni.
3 Dhahene iyene ohedda murudda wotene w’o Jordau alaleyaga obatizo ninga ezinddiyelo ya otxinuwa, wa oleveleliwana dhottega,
4 ninga mulebeliwani munivuruni na mazu a namavuhulela Izaiya: “Nihiweya lizu na muttu mwiddeddereni nalaleya dhahi: ‘Kasasanyedhani dila ya Yehova! Kogolelani diladhá.
5 Motita muvuheliwe, mwango na ttukuwadhá dhiliganihiwe, rampa dhokoromana dhinyalihiwe, dila dhotibeya dhivuheliwe,
6 attu otene anele wona ovuna wa Mulugu.’”*
7 Venevo iyene oroma wawaddela attu otene adha vàliye wi abatiziwe: “Nyuwo ziza na dhivili, bani wupangileni wi munele owodha ottawa owali wa Mulugu onadhe?
8 Mubale milima dhinoniha orugunutxa wenyu murima. Kamuloge mwanya-mwanya wi ‘Nili ana Abrahamu.’ Vowi miyo ddinouwaddelani enowodheya Mulugu, osaddula malugu aba bakala ana Abrahamu.
9 Txibarene, matxaddo omala wettekeliwa mitxitxi dha miri. Muri wotene ohimbala milima dhapama, onogwaddiwa ovokeliwe vamottoni.”
10 Muttittiya wanninvuza dhahi: “Kito nikose eni?”
11 Iyene wannawakula alogaga: “Ole onna guwo bili* anvahemo ole ohinna, onna elobo yoja akose yakakene vina.”
12 Anamapitxiha musoko vina adha wi abatiziwe, ahinvuza: “Namasunziha, nikosege eni?”
13 Iyene ohawakula: “Kamulogose* musoko onkwaranya muttengo opimeleliwe.”
14 Anyakoddo vina anninvuza: “Nikosege eni?” Iyene wannawakula: “Kammwiyele muttu* vina kamummagedhe muttu ebewene, vano muziveliwege na dhinvahiwenyu.”*
15 Attu anjedhela venjene odha wa Mesiya; otene antanalela mmirimani mwaha wa Joau eraga, “Koddi odduya ddi Kristu?”
16 Joau ohawakula otene dhahi: “Miyo ddinubatizani na manje, mbwenyi onodha muttu onna owodha oddipitta miyo; miyo kaddinfwanyela nne omurula sandáliya dhaye. Odduwene ddinaubatizeni na muya wokoddela vina na motto.
17 Iyene okaana mmadani mwaye paya yomuttiyanihana tirigu na maveya, onele okuputta mukuputtelo vamburoniva, tiriguyá onele omukoya vanddarani, maveyayá onele oddumeya vamottoni ohinttimiheya.”
18 Joauyá ovaha makokomezo menjene vina wanlaleyelavi nlogo muttaka wapama.
19 Mbwenyi iyene wannimusaddeya Herodi governador wa distritu, sabwa ya Herodía mwadhi mbalaye vina mwaha wa dhabure dhinjene dhakosiliye.
20 Ottiya dhotene esi dhakosiliye, Herodi ohenjedhedha eji: Ohinfugela Joau mukambura.
21 Mmalele nlogo notene obatiziwa, Yezu vina odhowa obatiziwa. Alobelaga, erimu efuguwa;
22 venevo muya wokoddela omutitela woneyaga ninga kangayiwa, novenya nihiweya lizu nadha wirimu naloga: “Weyo oli Mwanaga, wokweleya, vina onimurumelimi.”
23 Muromele Yezu mabasa aye, wanna vyaka 30 dhobaliwa; dhahene ninga mobuweliwani,iyene wali mwana wa Jozé,mwana Heli,
24 mwana Matati,mwana Levi,mwana Melki,mwana Janai,mwana Jozé
25 mwana Matatiya,mwana Amós,mwana Nahum,mwana Esli,mwana Nagai,
26 mwana Maati,mwana Matatiya,mwana Simei,mwana Jozek,mwana Jodá,
27 mwana Joanam,mwana Reza,mwana Zorobabel,mwana Salatiyel,mwana Neri,
28 mwana Melki,mwana Adi,mwana Kosam,mwana Elmada,mwana Er,
29 mwana Yezu,mwana Eliyezer,mwana Jorim,mwana Matatimwana Levi,
30 mwana Simeau,mwana Juda,mwana Jozé,mwana Jonam,mwana Eliyakim,
31 mwana Meleya,mwana Mená,mwana Matatá,mwana Natam,mwana Davidi,
32 mwana Jesé,mwana Obed,mwana Bowaz,mwana Salmoni,mwana Nazom,
33 mwana Aminadabi,mwana Arni,mwana Ezrom,mwana Perez,mwana Judá,
34 mwana Jakob,mwana Izaki,mwana Abrahamu,mwana Tera,mwana Nahor,
35 mwana Serug,mwana Reú,mwana Pelegi,mwana Eber,mwana Sela,
36 mwana Kayiná,mwana Arpaxadi,mwana Sem,mwana Nowé,mwana Lamek,
37 mwana Metuzalém,mwana Enoki,mwana Jaredi,mwana Mahalaleli,mwana Kayiná,
38 mwana Enoz,mwana Set,mwana Adamu,mwana Mulugu.
Manota
^ Kuloga, Herodi Antipa. Kang’ana Mazu Atapuleliwe.
^ Obe, “mukalelo onvuna Mulugu.”
^ Obe, “onna guwo dhina.”
^ Obe, “kamukumbirhege.”
^ Obe, “kammwakiye muttu.”
^ Obe, “muhagalalege na kobiri dhinttambirhenyu.”
