Dhilebiwe na Marko 16:1-8
-
Ovenyihiwa mukwani wa Yezu (1-8)
16 Mvirele Sabuddu, Maria Madalena, Maria maye wa Tiago na Salome agula makura onukela wi adhowe asigihe maningo a Yezu.
2 Vina siku noroma na sumana, awene afiya membesene wikuttani,* mmalele opattuwa nzuwa.
3 Anvuzana oka-oka: “Bani onanibulugutxele nlugu na ekuttaya?”
4 Vano mwang’anelani wikuttaniwa onile nluguna banimalile oburutxiwawo, masiki valanivi nlugu ninddimuwa.
5 Mvolowelani mwikuttanimwa amonamo muzombwe wagilatile epaddi ya mono woja, wabalile yabalo yolapa vina yotxena, venevo awene atikina.
6 Iyene ohawaddela: “Kamove. Nyuwo munimutamela Yezu Munazareti opiwe vapingirhizini. Iyene ovenyihiwa mukwani. Iyene kali veneva. Kang’anani, obu bu mburo wattiyiweyi.
7 Ovano kadhowani, mwawaddele anamasunza aye vina mwamwaddele Pedro, ‘Iyene osogorha ondhowa o Galileya, kuwenewo onamonenyu, dhahene ninga muwaddelileni iyene.’”
8 Venevo, ayanayá agurumelaga vina ohagalalene, abudduwa mwikuttanimwá, attawa. Mbwenyi kamwaddelile elo-wene muttu, vowi annova.*
Manota
^ Obe, “masiye a aliba okwa anubuweliwa na Mulugu.”
^ Mowiwana na mapapi okuluveleya awale, Muttaka wa Marko ongoma na mazu ali va versikulu 8.