Ovuhulela wa Joau 15:1-8
15 Ddihona ezinddiyelo yina wirimu, enddimuwa vina yotikiniha, anju atanu na eli na vizini tanu na bili. Vizini esi somarihadhá, sabwani mwa esene punakwanihedheya owali wa Mulugu.
2 Ddihona elobo yaladdana na nyaza ya viduru yotaganyihiwa na motto, vina abale apemberhile enama yowopiha, nladdaniho naye vina numeru na nzina naye àli owimelene vakuvi va nyaza ya viduru battiddelile arpa* dha Mulugu.
3 Awene anniba jibo ya Mizé mudhari wa Mulugu na jibo ya Mwana-Nibila, alogaga:
“Yehova Mulugu, Namawodha-wodha, mabasa enyu manddimuwa vina botikiniha. Dholigana vina dhebaribari si dila dhenyu, Mwene wa mukalakala.
4 Bani ohinauwebedheni, nyuwo Yehova, vina ohinattittimihe nzina nenyu, vowi ddi nyuwo bahi oli oweddeyana? Txibarene, attu a malogo otene anele odha auwebedheni, sabwani ahona wi nyuwo munottonga n’oligana.”
5 Mvirele eso, ddihona mburo wokoddela,* wa musasa wa nipagano,* wofuguliwene wirimu,
6 vina anju abale atanu na eli, anna vizini tanu na bili abudduwa mumparhani babalile guwo dha linyu yokoddela, dhong’animela vina vapetoni vawa vasoneliwa guwo ya woru.
7 Yottanddiwa modha enna egumi mwa esile nayi, ehavaha anju atanu na eli matijela matanu na meli a woru adhalile owali wa Mulugu, odduwene onkalawo okala n’okala-wene.
8 Mburo obo wokoddela* odhala witxi mwaha wa nttittimiho na Mulugu vina mwaha wa owodha waye. Kavo wawodha ovolowa mburo obo wokoddela* ofiyedha omala vizini tanu na bili dhanna anju atanu na eli.
Manota
^ Arpa, yali epano yobiwa enladdana na viyola wa masaka abano.
^ Kuloga, Mburo Wokoddela-koddela wa mparha.
^ Obe, “musasa woniha wi Mulugu oli na awene.”
^ Kuloga, Mburo Wokoddela-koddela wa mparha.
^ Kuloga, Mburo Wokoddela-koddela wa mparha.
